Uşağın beynini gücləndirən qidalar onun həyat keyfiyyətini artırmaq baxımından da çox önəmlidir. Qidalar birbaşa uşağın düşünməsi, hiss etməsi və davranışına təsir edir. Çünki uşağın beyni  qidalardan asılı olaraq fəaliyyət göstərir.

AzEdu.az azyaşlının zehni inkişafı üçün mühüm olan qidaları təqdim edir:

Karbohidratlar:

Karbohidratlar uşağınızın hər yeməyinin dörddə biri ilə üçdə birini təşkil edir. Taxıl, noxud, lobya və meyvələrin tərkibindəki karbohidratlar vücudun formalaşmasında əsas rol oynayır. Bədən bu qidaları həzm edir və karbohidratda olan enerjini ortaya çıxarır.

Şəkər nizamsızlığı uşaqların zəkasına mənfi yöndə təsir edir. Adətən diqqət əskikliyi, yaddaş itkisi olaraq özünü biruzə verir. Uşağınızın yüksək zəkaya sahib olması üçün təmizlənmiş şəkər və şəkərli qidalardan, prosesdən keçmiş taxıllardan və təmizlənmiş unlardan uzaq durmaq lazımdır.

Yağlar:

Hər zəka tipi vücuda qəbul edilən Omega 3 və 6 miqdarından təsirlənir. Az yağ qəbul edən uşaqlar öyrənməkdə daha çox çətinlik çəkirlər. Elə bu səbəbdən ana südüylə bəslənən uşaqlar digərləri ilə  müqayisədə daha yüksək zəkaya sahib olurlar. 

Uşağın yaşına uyğun qidalarla bəsləndiyindən əmin olmaq üçün onu bol miqdarda tumlar, toxumlarla təmin etmək lazımdır. Balqabaq, günəbaxan, küncüt toxumları xüsusilə effektivdir. Uşaq bunları yeməkdə çətinlik çəkirsə, onları üyüdüb salat və ya qarğıdalının üstünə tökə bilərsiniz.

Balıq yağını uşağınıza hər gün verə bilərsiniz.

Balıq yaxşı omega 3 qaynağıdır.

Yumurta günlük olaraq səhər yeməyində verilə bilər.  Yağda qızardılmış yumurta isə zəkaya mənfi təsir edə bilər.

Protein:

Qəhvəyi rəngli düyü, noxud, mərci, balıq və qırmızı ət, ləpə, süd məhsulları, yumurta, lobya, brokoli, ispanaq kimi bəzi tərəvəzlər proteinlə zəngin hesab olunur. Mərci, düyü və lobyadan ibarət yeməklər proteyinin əsas mənbələrindəndir.

Vücudun ehtiyacı olan önəmli elementlər və qidalar

Beta Caroten: Kök, şirin kartof, quru qaysı və manqo;

C vitamini: Brokoli, kivi, pomidor;

E vitamini: Tumlar və onların soyuq presli ağları, buğda toxumu, lobya və balıq.