![](https://azedu.az/uploads/news/2023/11/azedu.az_406572974_1437050980185710_5129290154016026196_n_424.jpg)
2023-11-30 12:30:22
Ürək yaman şeydir...
Abid müəllimdən- fililogiya elmləri doktoru, prof. Abid Tahirlidən doğum günündə çox rakursdan söz açmaq olar-mühacirət ədəbiyyatımızın, mətbuatımızın yorulmaz tədqiqatçısı, alim, jurnalist, yazıçı-publisist, müəllim və s. kimi. Onu da bildirim ki, Abid Tahirli şəxsiyyəti, yaradıcılığı bu kontekstdə zaman-zaman çox araşdırılıb, Azərbaycan elminə, mətbuatına, ədəbiyyatına verdiyi töhfələr müzakirə mövzusu olub, yaradıcılığının bədii dəyəri haqqında çoxsaylı yazılar yazılıb və bu proses bu gün də davam etməkdədir. Çünki Abid müəllim dayanmır, yorulmur, daima yazır, yaradır, sanki zamanın sərt axarından ömrünün dəyərlilik payını anında qopartmağa çalışır ki, doğum günündə özünə hesabat verməyə üzü, zamanın kitabında qalacaq sözü olsun. Bu istəyi ilə “Anadan, bacımdan gizlətdiyimi, kağızdan, qələmdən gizlətməmişəm” deyən Məmməd Arazla sözün məcazi mənasında tənləşir Abid Tahirli.
Azərbaycan ədəbi cameəsi Abid Tahirlini müqəddəs missiya daşıyıcısı-mühacirət ədəbiyyatımızın yorulmaz tədqiqatçısı, araşdırıcısı kimi tanıyır. Amma bu günkü doğum günündə Abid müəllimi tam bambaşqa bir rakursdan təqdim etmək istəyirəm-bacara bilsəm! Abid müəllim alim-tədqiqatçı-müəllim olmaqdan öncə saf mənəviyyatlı, maraqların önə çıxdığı təmənnalı dünyamızda təmənnasız mövqedə dayanan ziyalılarımızdan biridir. Lənkəran Dövlət Universitetində çalışdığı illər ərzində Abid müəllimi belə gördüm, tanıdım, məsuliyyətinə, həmkarlarına diqqətinə, tələbələrə, işinə sevgisinə həsəd duydum, həyat sevgisindən çox şey öyrəndim.
...Digər ixtisasları bilmirəm- jurnalistika fakültəsində oxuyanlar, buranı bitirənlər elə bil gözəgörünməz bağlarla bağlı olur, bir-birlərinin yaradıcılıq uğurlarını daima izləyir, sevincini, kədərini paylaşır. Abid Tahirlinin “Deyilən söz yadigardır” (2003), “Sözlə yarananlar, sözü yaşadanlar” (2001) kitablarını çap olunan kimi oxumuşdum və həmkarımın səbrinə, tədqiqatçılıq bacarığına heyran qalmışdım. Bu, iynə ilə gor qazımaq idi! “Azərbaycan mühacirət mətbuatı” - I hissə (2002), “Azərbaycan mühacirət mətbuatı” - II hissə (2003) və “Azərbaycan mühacirət mətbuatında publisistika” (2005) kitabları mühacirət tariximizlə bağlı boşluğu dolduran maraqlı tədqiqat əsərləridir və ədəbiyytımızın həmin istiqamətdə qızıl fondunu təşkil edir. Bu əsərlər günümüzdə Azərbaycan mühacirətinin həyat tərzi, təşəkkül tarixi, sosial tərkibi haqqında ən dəyərli mənbə rolunu oynayır.
...Üz qəlbin aynasıdır deyirlər. Abid müəllimin çöhrəsindəki uşaq təbəssümü onun səmimiyyətinin, zəngin iç dünyasının xəbərçisidir. Rəy üçün verdiyim dissertasiya işini sözbəsöz oxuması, təhlil etməsi, əlavə mənbələr barədə də məni məlumatlandırması, onları tapıb elektron poçtuma göndərməsi yaddaşımın Abid müəllimlə bağlı ən işıqlı xatirələrindəndir. Və Abid müəllim təkcə mənə qarşı yox, onun alim-tədqiqatçı kimi yardımına ehtiyac duyan hər kəs üçün belə qayğıkeşdir, yardımçıdır.
Bu yazını yazanda Abid Tahirlinin 2017-ci ildə çapdan çıxan, mənə hədiyyə etdiyi 696 səhifəlik “Mətbuat: millətin dili, gücü və güzgüsü” kitabını yenidən varaqladım. Bu kitabı Azərbaycanın mühacirət ədəbiyyyatının, mətbuatının salnaməsi də adlandırmaq olar. Əhməd bəy Ağaoğlu, Yusif Vəzir Çəmənzəminli, Ceyhun Hacıbəyli, Əli bəy Hüseynzadə, Abay Dağlı və s. yazarlar, mətbu orqanları ilə bağlı araşdırmalara bütün ömrünü-gəncliyini, gözlərinin işığını qoyub Abid müəllim. Bu kitabda müasir publisistikamızın dəyərli simaları da unudulmayıb, onlar haqqında da tərəfsiz, tərifsiz, həqiqəti, bu yazarların yaradıcılıq dünyalarını, elmi dünyağörüşlərinin fərqli xüsusiyyətlərini əks etdirən yazılar yer alıb.
Doğum günündə çox sevdiyim müəllim, jurnalist həmkarım, iş yoldaşım-Lənkəran Dövlət Universitetinin professoru, filologiya elmləri doktoru Abid Tahirli haqqında ürəkdən nəsə deməyə cəhd etdim. Alındımı? ...Bilmirəm, amma onu bilirəm ki, ürəkdən deyilən, yazılan hər kəlmə ürəyə yol tapacaq... mütləq! Necə deyərlər: “Ürək yaman şeydir...”
Esmira İsmayılova
Lənkəran Dövlət Universitetinin Mətbuat xidmətinin rəhbəri.
Bu bölməyə aid digər xəbərlər
Azərbaycanlı tələbə Sürix Universitetinə qəbul olub
2024-09-07 15:19:45
TİF-in İdarə Heyətinin sədri Elnur Nəsibov MDU-da olub
2024-09-06 17:12:00
Bakı Mühəndislik Universitetinin tələbələrinə də kart veriləcək
2024-09-06 15:55:27
Universitetlərə elektron qəbulun müddəti UZADILIB
2024-09-06 12:22:45
7 tələbə Küveyt Universitetində təqaüdlə təhsil alacaq
2024-09-05 14:51:32
Nazir: Qarabağ Universiteti 1200 tələbə və 150 nəfərlik heyəti ilə yeni tədris ilinə hazırdır
2024-09-05 09:49:05
Universitetlərdə bu qədər plan yeri boş qaldı... - ARAŞDIRMA
2024-09-04 15:59:00
Azərbaycanlı tələbə beynəlxalq yarışda qalib gəldi - 177 manat ödədi..
2024-09-04 15:43:51
5 Avropa universitetindən qəbul alan BMU məzunu “Stipendium Hungaricum” təqaüdünü qazanıb
2024-09-03 16:30:40
UNEC ilə Balıkesir Universiteti arasında simulyasiya təlimləri keçiriləcək
2024-09-03 14:41:07
kitabı
ÇOX OXUNANLAR
2 Sentyabr 2024, 17:22
İmtahanda 600-dən yüksək bal toplayan tələbələr bu universiteti seçiblər
![İmtahanda 600-dən yüksək bal toplayan tələbələr bu universiteti seçiblər İmtahanda 600-dən yüksək bal toplayan tələbələr bu universiteti seçiblər](https://azedu.az/uploads/news/2024/09/azedu.az_azedu.az_63650df7c17ac63650df7c17af16675670950e26627da6ea2e4a5eb2e85f11bbcf25_362_445.jpg)
3 Sentyabr 2024, 09:56
Şəki-Zaqatala bölgəsinin yüksək bal toplayanları - SİYAHI + FOTO
![Şəki-Zaqatala bölgəsinin yüksək bal toplayanları - SİYAHI + FOTO Şəki-Zaqatala bölgəsinin yüksək bal toplayanları - SİYAHI + FOTO](https://azedu.az/uploads/news/2024/09/azedu.az_1709468912_2ad846ea-950d-31ca-a7a8-d60a336dbf27_850_899.jpeg)
29 Avqust 2024, 11:19
Müsahibə mərhələsi: Sertifikasiya və MİQ arasında fərq nədir?
![Müsahibə mərhələsi: Sertifikasiya və MİQ arasında fərq nədir? Müsahibə mərhələsi: Sertifikasiya və MİQ arasında fərq nədir?](https://azedu.az/uploads/news/2024/08/azedu.az_1698041596_azedu.az_12_955_353.jpg)
30 Avqust 2024, 11:21
MDU-da “Tyutor xidməti - 2024” təlimləri çərçivəsində seminarlar keçirilib
![MDU-da “Tyutor xidməti - 2024” təlimləri çərçivəsində seminarlar keçirilib MDU-da “Tyutor xidməti - 2024” təlimləri çərçivəsində seminarlar keçirilib](https://azedu.az/uploads/news/2024/08/azedu.az_17250022613984028789_1200x630_842.jpg)
31 Avqust 2024, 09:35
Rekord sayda körpə doğulub
![Rekord sayda körpə doğulub Rekord sayda körpə doğulub](https://azedu.az/uploads/news/2024/08/azedu.az_IMG_9348_191.png)
30 Avqust 2024, 12:13
Şəkidəki bu məktəbin fəaliyyəti DƏYİŞDİ
![Şəkidəki bu məktəbin fəaliyyəti DƏYİŞDİ Şəkidəki bu məktəbin fəaliyyəti DƏYİŞDİ](https://azedu.az/uploads/news/2024/08/azedu.az_118523855_3244799365615912_1637893163469662027_n_32.jpg)
4 Sentyabr 2024, 16:10
Kolleclərin boş qalan yerlərinə qəbulun NƏTİCƏLƏRİ
![Kolleclərin boş qalan yerlərinə qəbulun NƏTİCƏLƏRİ Kolleclərin boş qalan yerlərinə qəbulun NƏTİCƏLƏRİ](https://azedu.az/uploads/news/2024/09/azedu.az_azedu.az_3026a214-101c-3101-8224-2f8ee7c3845d_850_20_768.jpg)
29 Avqust 2024, 13:51
Füzulinin ilk məzunları – “Təsəvvür edə bilməzdim ki, burada oxuyaram”
![Füzulinin ilk məzunları – “Təsəvvür edə bilməzdim ki, burada oxuyaram” Füzulinin ilk məzunları – “Təsəvvür edə bilməzdim ki, burada oxuyaram”](https://azedu.az/uploads/news/2024/08/azedu.az_WhatsApp_Image_2024-08-29_at_13.40.35_826.jpeg)
FACEBOOK