700 bal toplayan Xalidə Əliyeva daha bir uğura imza atıb.
AzEdu.az xəbər verir ki, onun yer aldığı “Robo-Sapiens” komandası II Robot Olimpiadasında I yerə layiq görülərək, Tailandda keçiriləcək final mərhələsinə vəsiqə qazanıb.
Qeyd edək ki, II Robot Olimpiadası Bakı İdman Sarayında, Gənclər və İdman Nazirliyinin dəstəyi, Azərbaycan Robototexnika Mühəndisliyi Akademiyası və "Gənclərin Təhsil, Təlim, Peşə və İnkişaf Mərkəzi" İctimai Birliyinin təşkilatçılığı ilə 6 oktyabrda keçirilib.
8-19 yaşlı yeniyetmə və gəncləri əhatə edən yarışlarda 20 təhsil müəssisəsindən 54 komanda iştirak edib.
Yarışlar 4 kateqoriya üzrə keçirilib və yekunda qalib komandalar 16-18 noyabr 2018-ci il tarixlərdə Tailand Krallığında keçiriləcək Dünya Robot Olimpiadasında iştirak hüququ qazanıblar.
İlk 3-lükdə isə Bakı Ali Neft Məktəbinin tələbələri qərarlaşıblar.
kitabı