"Bu günədək "Yüksəliş" müsabiqəsində neqativ halların olması ilə bağlı heç bir müraciət daxil olmayıb".

AzEdu.az  xəbər verir ki, bunu Prezident Administrasiyasının Humanitar siyasət, diaspor, multikulturalizm və dini məsələlər şöbəsinin müdiri, müsabiqənin Təşkilat Komitəsinin sədri Fərəh Əliyeva üçüncü “Yüksəliş” müsabiqəsi qaliblərinin təltifetmə mərasimində çıxışı zamanı deyib.

Onun sözlərinə görə, ən çox qalib, 27 nəfər I "Yüksəliş" müsabiqəsində olub.

Qeyd edək ki, “Yüksəliş” müsabiqəsinin builki 22 qalibini 1 il ərzində idarəçi rəhbərlərdən – böyük şirkətlərin top-menecerlərindən və dövlət orqanlarının rəhbərlərindən fərdi karyera məsləhətləri almaq imkanı, kadr ehtiyatı bankına daxil edilmə və 20 000 AZN dəyərində pul mükafatı gözləyir.