Məlum olduğu kimi, 11-15 iyul tarixlərində elm və təhsil nazirliyi tərəfindən müəllimlərin işə qəbulu (MİQ) imtahanının test mərhələsi keçirildi.

AzEdu.az xəbər verir ki, müəllimlərin əksəriyyəti sosial şəbəkələrdə sualların çətinliyindən şikayətlənirdi. Test mərhələsinin bu cür keçdiyindən narahat olan bəzi namizədlər müsahibə üçün hazırlaşmağa müəllim axtarışındadır.

Belə ki, feysbuk sosial şəbəkəsində Lalə Rəsulova Azərbaycan dili və ədəbiyyat, Sevda Əsgərli adlı istifadəçilər kimya fənni üzrə müsabiqə üçün hazırlaşmağa müəllim tövsiyəsi istədiyinə dair paylaşım ediblər. Şərhlərdə isə bəzi istifadəçilər hansısa müəllimlərin adını yazıb, əksəriyyəti isə özünün hazırlaşmağını məsləhət görüb.