6 iyul saat 10:00-da ADA Universitetində elm və təhsil naziri Emin Əmrullayev sertifikatlaşdırma imtahanında yüksək nəticə əldə etmiş müəllimlərlə görüşü başlayıb.

AzEdu.az xəbər verir ki, görüşdə yüksək nəticə göstərən müəllimlər, media qurumlarının rəhbərləri, Pr mütəxəssislər, təhsil ekspertləri və digər tanınmış ictimaiyyət nümayəndələri də iştirak edir.

Tədbiri elm və təhsil nazirliyinin təhsil islahatlarının koordinasiyası sektorunun müdiri, Nazirliyin gender məsələləri üzrə məsul şəxsi Leyla Xəlilova Rzazadə açıq elan edib.

Daha sonra elm və təhsil naziri Emin Əmrullayev sertifikasiya imtahanının test mərhələsində yüksək nəticə toplayan müəllimləri təbrik edib. Daha sonra sertifikasiya haqqında statistik məlumatları nəzərə çatdırıb.