Türkiyə Böyük Millət Məclisinin (TBMM) yeni sədri seçilib. 

AzEdu.az xəbər verir ki, bu barədə "TRT Haber" məlumat yayıb.

Bildirilir ki, bu vəzifəyə AKP və MHP-nin namizədi Numan Kurtulmuş seçilib.

O, səsvermənin ilk turunda deputatların 317-sinin səsini qazanıb. Bu, yetərsay olmadığı üçün sədr seçimi 2-ci tura qalıb. Bu turda da yetərli say olmayıb. N.Kurtulmuş bu mərhələdə 321 səs ala bilib.

Üçüncü səsvermədə isə N.Kurtulmuş TBMM sədri seçilib.

Qeyd edək ki, spikerlik postuna 7 namizəd irəli sürülmüşdü.