Bakı Ali Neft Məktəbinin (BANM) 5 komandası “Teknofest”in finalına çıxmaqla, Azərbaycanda ən çox komanda ilə təmsil olunan ali məktəb olub.

AzEdu.az xəbər verir ki, bu barədə BANM-ın rektoru Elmar Qasımov bildirib.

“Komandalarımız Türkiyənin ən böyük Aviasiya, Kosmik və Texnologiya festivalı olan “Teknofest”in final mərhələsinə vəsiqə qazanıblar.

“ForestBerg”, “Yıl 2020”, “GreenPack” və “Azerbaijan Engineers Union” komandaları festivalın “Ətraf mühit və enerji texnologiyaları”, “Əkinçi” komandası isə “Kənd təsərrüfatı texnologiyaları” kateqoriyasında mübarizə aparacaq”, - rektor deyib.

“Teknofest” Türkiyə festivalı aprel-may aylarında baş tutacaq.