2018-09-17 16:00:00
General tələbələrə tələbə kartlarını təqdim etdi - FOTOLAR
Bu gün Dövlət Gömrük Komitəsinin Akademiyasında "Bilik günü” münasibətilə tədbir keçirilib.
AzEdu.az xəbər verir ki, tədbir Dövlət himninin səslənməsi ilə başlanıb.
Tədbirdə Dövlət Gömrük Komitəsinin sədri, gömrük xidməti general-leytenantı Səfər Mehdiyev, Komitə sədrinin müavinləri, Akademiyanın rəhbərliyi, müəllim və tələbələr, valideynlər iştirak edib.
Yeni tədris ilinin başlanması münasibətilə Akademiyanın müəllim-tələbə kollektivini, valideynləri təbrik edən Komitə sədri Səfər Mehdiyev bildirib ki, ümummilli lider Heydər Əliyev xalqımızın, dövlətimizin gələcəyi olan gənc nəslin tərbiyəsinə, onların savadlı, bacarıqlı kadrlar kimi yetişməsinə xüsusi önəm verib.
Vurğulanıb ki, istər sovetlər dönəmində, istərsə də dövlət müstəqilliyinin bərpasından sonra respublikamıza rəhbərlik etdiyi dövrdə ulu öndərin həyata keçirdiyi xüsusi dövlət proqramları əsasında minlərlə gənc müasir elmi biliklərə yiyələnmək üçün xaricə göndərilib.
Bu siyasətin Prezident İlham Əliyev tərəfindən də uğurla davam etdirildiyini bildirən Səfər Mehdiyev qeyd edib ki, gənclərin təhsil alması üçün xaricə göndərilməsilə yanaşı, respublikamızdakı təhsil ocaqlarının da maddi-texniki bazasının əsaslı şəkildə yenidən qurulması, yeni təhsil ocaqlarının yaradılması, bir sözlə, tədris prosesinin günün tələbləri səviyyəsində təşkil edilməsi məqsədilə mühüm addımlar atılıb.
O da vurğulanıb ki, Birinci vitse-prezident Mehriban Əliyevanın rəhbərliyi ilə həyata keçirilən irimiqyaslı layihələr istedadlı, bilikli gənclərin hər sahədə önə çəkilməsinə, təhsilimizin inkişafına təkan verib.
Səfər Mehdiyev diqqətə çatdırıb ki, aparılan məqsədyönlü siyasətin nəticəsi olaraq gömrük orqanlarının müasir elmin sirlərinə yiyələnən ixtisaslı kadrlarla təmin olunması məqsədilə Prezident İlham Əliyev tərəfindən Dövlət Gömrük Komitəsinin Akademiyası təsis olunub. Fəaliyyət göstərdiyi qısa dövr ərzində Akademiyanın yüksək nəticələr əldə etməsinin, 2014-cü ildə bakalavr səviyyəsi üzrə qəbul olunan tələbələrin yekun dövlət attestasiyası zamanı əldə etdikləri uğurlu nəticələrin qürurverici olduğu vurğulanıb.
Komitə sədri Akademiyaya bu il qəbul olunan və hazırda təhsilini davam etdirən digər tələbələrin də estafeti uğurla başa vuracaqlarına əminliyini ifadə edib və gənclərin savadlı, bacarıqlı kadrlar, layiqli vətəndaşlar kimi yetişməsi məqsədilə Dövlət Gömrük Komitəsinin də bütün zəruri addımları atacağını diqqətə çatdırıb.
Sonra 1-ci kurs tələbələrinə tələbə kartları təqdim edilib.
Tədbirdə bu il tələbə adını qazanan Səma Süleymanlı və valideynlər adından Tacirə Qasımova çıxış edərək Akademiyada yaradılan şəraitə, tələbələrə göstərilən diqqət və qayğıya görə ölkə rəhbərliyinə təşəkkürlərini ifadə ediblər.
Qeyd edək ki, bu il Dövlət Gömrük Komitəsinin Akademiyasını 37 nəfər bitirib, 44 nəfər isə bu təhsil ocağının tələbəsi olmaq hüququnu qazanıb. İqtisadiyyat fakültəsinə qəbul olunan abituriyentlərin balları 424-633, hüquqşünaslıq ixtisasına qəbul olunanların balları isə 557-663 hədlərində olub.
Bu bölməyə aid digər xəbərlər
“Türk xalqları ədəbiyyatı” üç cilddə nəşrə hazırlanır
2024-03-28 18:01:28
Neft-Kimya Prosesləri İnstitutunun yeni kitabı çap olunub
2024-03-23 13:09:00
London Kral Kollecində Novruz bayramı keçirilib
2024-03-23 11:02:00
Bu universitetdə “Səməni” festivalı keçirilib
2024-03-20 17:41:02
Təhsilin İnkişafı Fondunun rəhbərliyi BMU-da olub
2024-03-19 12:47:00
AzMİU tələbələri Türkiyədə keçirilən İnşaat Mühəndisliyi Zirvəsində iştirak edib
2024-03-15 17:16:00
Beynəlxalq olimpiadaların qalibi ABŞ-ın nüfuzlu universitetinə qəbul olub
2024-03-15 16:20:55
ADNSU-da növbəti görüş keçirilib
2024-03-15 15:30:41
AzTU əməkdaşlıq əlaqələrini genişləndirir
2024-03-15 14:56:00
Təhsilin İnkişafı Fondu və “VISA” arasında əməkdaşlıq olub
2024-03-14 15:30:54
kitabı
ÇOX OXUNANLAR
22 Mart 2024, 14:01
Qəbul imtahanları asan olacaq? – “Abituriyentlərdə yersiz rahatlıq var”
23 Mart 2024, 10:05
Məntiq dərsinin məktəblərdə tədrisi niyə vacibdir? - ŞƏRH
22 Mart 2024, 09:50
Ali məktəblərə qəbul prosesi: Universitetlərə həvalə olunsa...
19 Mart 2024, 17:30
Orta ixtisas təhsili müəssisələrinə direktor təyinatı qaydası dəyişib
21 Mart 2024, 11:14
Bağça müəllimlərinin sertifikasiyası: Psixoloji vəziyyətləri yoxlanılmalıdır
24 Mart 2024, 12:15
Şagirdlərdə riyaziyyat fənninə necə maraq oyatmaq olar?
24 Mart 2024, 15:37
Qapı arxasında qalan 4 yaşlı uşaq belə xilas edildi - Video
24 Mart 2024, 17:26
Tələbələrin köçürülməsi ilə bağlı yeni QAYDALAR
FACEBOOK