Kollec məzunları (subbakalavrlar) bitirdikləri ixtisaslara uyğun imtahansız olaraq ali təhsil müəssisələrinə sənəd vermə hüququna malikdirlər.

Bəs kolleci bitirən subbakalavrların imtahan vermədən universitetlərə sənəd qəbulu nə zaman aparılacaq?

AzEdu.az-ın DİM-dən aldığı məlumata əsasən, subbakalavrların sənəd qəbulu yay aylarında aparılacaq. Qeydiyyat üçün dəqiq tarix müəyyən olunmayıb.

Qeyd edək ki, müsabiqə zamanı subbakalavrın orta müvəffəqiyyət göstəricisi (ÜOMG) və təhsil haqqında sənədinə (attestata) üstünlük verilir. Ali təhsil müəssisələrinin xüsusi qabiliyyət tələb edən ixtisasları üzrə təhsil almaq istəyən subbakalavr isə DİM tərəfindən təşkil olunmuş qabiliyyət imtahanlarında müəyyən edilmiş cədvəl üzrə ödənişli əsaslarla iştirak edə bilərlər.