Azedu.az
https://modern.az/ https://www.instagram.com/apak.az/
2022-07-19 11:21:00
Magistraturaya sənəd qəbulunda çaşqınlıq yaşayanların nəzərinə- Bu sənədlər məcburi DEYİL

 

Ali təhsil pilləsinin magistratura səviyyəsi üzrə elektron sənəd qəbulu davam edir.

 

Müraciətçilər https://portal.edu.az/-a daxil olaraq qeydiyyatdan keçməlidirlər.

 

Bu zaman qeyd olunan sənədlərdən bəzilərini yükləmək məcburi olsa da, bəzi sənədlər mütləq tələb olunmur.

 

AzEdu.az qeydiyyat zamanı tələb ola biləcək sənədlərlə bağlı məlumatları təqdim edir:

 

Ali təhsil haqqında sənədin əsli və onun əlavəsi: Məcburi sənəddir. Tələbə diplomu əldə etməyibsə, mütləq təhsil aldığı müəssisədən arayış alaraq portal.edu.az -a daxil etməlidir.

 

Bakalavr pilləsini bitirməsi haqda arayış: Məcburi sənəddir. 1-ci sənədin əvəzinə verilir. Bitirdiyi ali məktəbin dekanlığından əldə olunur.

 

Şəxsiyyəti təsdiq edən vəsiqənin əsli: Məcburi sənəd deyildir. Müvafiq müəssisə tərəfindən tələb olunarsa digər sənəd kimi əlavə edilə bilər.

 

Ağ fonda 3x4 ölçüdə fotoşəkil: Məcburi sənəd deyildir. Müvafiq müəssisə tərəfindən tələb olunarsa digər sənəd kimi əlavə edilə bilər.

 

Sağlamlıq haqqında arayışın surəti: Məcburi sənəd deyildir. Lakin, hər hansısa müəssisə tərəfindən bu sənədlə bağlı tələb olarsa, yalnız o zaman həmin müəssisəyə göndərilə bilər.

 

Əlavə sənəd: Sənəd əlavə etmək məcburi deyildir, lakin əlavə olaraq göndərmək istədiyiniz (diplom, sağlamlıq haqqında arayış və s.) sənədləriniz varsa, əlavə edə bilərsiniz.

 

İxtisasın tanınmasının və ekvivalentliyinin müəyyən edilməsini təsdiq edən sənəd: Məcburi sənəd deyildir. Yalnız xaricdə təhsil alan Azərbaycan vətəndaşlarına aiddir.

 

İlkin hərbi qeydiyyata alınma haqqında sənəd və ya hərbi biletin surəti (Oğlanlar üçün): Məcburi sənəddir.

 

Qeydiyyat 25 iyul 2022-ci il saat 12.00-da (günorta vaxtı) bitəcəkdir