Azedu.az
https://modern.az/ https://www.instagram.com/apak.az/
2022-05-20 15:04:00
“Məktəb və bağçanın yanında “Təhlükəsiz Şəhər” kameraları yoxdur” - ŞİKAYƏT

Vətəndaş Abşeron rayonu, Xırdalan şəhərində “Təhlükəsiz Şəhər” kameralarının olmamasından narazıdır. 

 

Bu barədə Oxu.Az-a Rəşad adlı şəxs müraciət edib.

 

O bildirib ki, mayın 10-da onu Xırdalan şəhərinin mərkəzində piyada keçidi üzərində maşın vurub:

 

“Heç bir yayınma halı baş verməyib. Ancaq ərazidə “Təhlükəsiz Şəhər” kamerası olmadığına görə polis videogörüntü tapmaqda çətinlik çəkir”.

“Ərazidə bağça və məktəb fəaliyyət göstərir. Həmin yerdə “Təhlükəsiz Şəhər” kameraları olarsa, daha yaxşı olar”, - deyə o qeyd edib.

Daxili İşlər Nazirliyindəən Oxu.Az-a bildirilib ki, vətəndaş Abşeron Rayon Polis İdarəsinə dəvət olunub:

“Məsələ araşdırılır”.

Qeyd edək ki, kameraların quraşdırılması DİN-in “Təhlükəsiz Şəhər” Avtomatik İdarəetmə Mərkəzinin səlahiyyətindədir.