Beynəlxalq səviyyədə tanınan imtahanlardan biri də TEFL sertifikatıdır.

AzEdu.az bu imtahanı kimlərin verə biləcəyi, nə üçün lazım olduğu haqda məlumatları təqdim edir:

TEFL (Teaching English as a Foreign Language) ingilis dili müəllimləri və gələcəkdə müəllim işləmək istəyənlər üçün vacib olan imtahanlardan biridir. Bu, ana dili ingiliscə olmayanlara bu dili öyrədə bilmə bacarığını sübut edən bir sertifikatdır. TEFL sertifikatına sahib bir müəllim tək Azərbaycanda deyil, dünyanın istənilən ölkəsində İngilis dili müəllimi kimi işləmək hüququ qazana bilər.

TEFL Practice American Language School tərəfindən həyata keçirilən kursdur və bu kursda ingiliscə öyrətmə qabiliyyəti haqqında bilik və bacarıqlar öyrədilir. Bu kursun müddəti dəyişə bilər, lakin kursun sonuna qədər müəllimə lazım olan əsas biliklər öyrədilir.

Bu kurs müəllimin bir dərsi necə planlaması, tələbəni necə motivasiya etməsi və dil biliyi, oxuma, yazma, dinləmə, danışıq kimi vərdişlərinin tələbəyə necə öyrədilməsi haqqında biliklərdən ibarətdir.

TEFL Practice kursu həftədə 5 dəfə, hər dərs 2 saat olmaqla tədris edilən 3 aylıq proqramdır. Kursun sonunda imtahan verməklə sertifikat əldə edə bilərsiniz.

Kursu bitirdikdə verilən sertifikat 3 səviyyədə olur.

Pass Grade- Kafi ( 50% –  dən yuxarı) 

Merit-based Grade – orta  ( 65% –  dən yuxarı) 

Distinction Grade  – əla ( 85%  – dən yuxarı) 

Kursun proqramı aşağıdakı kimidir: 

Sinif görüşləri: 42 saat

Tutoring: 40 saat (16 + 16 planlaşdırma üçün + 8 üçün bloglaşdırma dərsləri)

Söhbət tərəfdaşları: 9 saat (6 sessiya iclası + 3 blog üçün)

CIES sinif müşahidələri: 5 saat (3 müşahidələr + 2 blog üçün)

CIES sinif çəkilişi: 4 saat (2 saat planlaşdırma + 1 saat sinif + 1 saat özünü geribildirim üçün)

Dərs Planları: 12 saat (6 dərs planları üzrə dizayn və geribildirim)

Oxumalar: 8 saat

Toplam = 120 saat

Qeyd edək ki, bu imtahanla oxşarlıq təşkil edənlərdən biri də TESOL-dur. Bu haqda növbəti yazımızda məlumat verəcəyik.