“Jurnalistika” ixtisasına qəbul olmaq istəyən abituriyentlərin qabiliyyət imtahanı avqustun 6-da keçiriləcək. Bu mərhələdən uğurla keçən abituriyentlər ixtisas seçimi zamanı digər ixtisaslarla yanaşı “Jurnalistika” ixtisasını da seçə bilərlər.

AzEdu.az Dövlət İmtahan Mərkəzinin rəsmi saytına istinadən ali təhsil müəssisələrinin bakalavriat səviyyəsinə qəbul imtahanının jurnalistika üzrə qabiliyyət imtahanı mərhələsində bakalavrlara təklif olunacaq inşa mövzularını təqdim edir:

1. Müstəqilliyimiz əbədidir
2. Azərbaycanın dövlət rəmzləri
3. Mən Azərbaycan vətəndaşıyam
4. Azərbaycan mənim Vətənimdir
5. Heydər Əliyev ümummilli liderimizdir
6. Ölkəmizdə dövlət dili Azərbaycan dilidir
7. “Hər bir Azərbaycan vətəndaşı, hər bir azərbaycanlı öz ana dilini, dövlət dilini mükəmməl bilməlidir!” (H.Əliyev)
8. 1 Avqust Azərbaycan əlifbası və Azərbaycan dili günüdür
9. İnternetdən istifadə sənə nə verir?
10. Hansı sənət yaxşıdır?
11. Azərbaycanın gələcəyi haqqında düşüncələrim
12. Sevdiyim fənn
13. Necə insan olmaq istərdim?
14. Mən həkim olsa idim ...
15. Mən millət vəkili olsa idim ...
16. Dostuma məktub
17. Xalqımızın milli bayramı – Novruz
18. Azərbaycanın təbiəti
19. Əsl dost necə olmalıdır?
20. Kitab dostumuz və məsləhətçimizdir
21. Şəxsi kitabxanam
22. Təhsil uğurlu gələcəyə aparan yoldur
23. Sevdiyim qəzet (və ya jurnal)
24. Musiqi ruhumuzun qidasıdır
25. Sözün qüdrəti
26. Peşə seçiminin insan həyatında rolu
27. Həyatda necə uğur qazanmaq olar?
28. Cəmiyyət üçün faydalı insan necə olmalıdır?
29. Sevdiyim bədii əsər
30. Sevdiyim yazıçı (şair)
31. Müasir gəncliyin gündəlik qayğıları
32. Milli Qəhrəmanlarımız
33. Xoşbəxtliyi nədə görürəm?
34. Milli adət-ənənələrimiz
35. Müasir gəncliyin vəzifələri
36. Keçmişimiz, bu günümüz və gələcəyimiz
37. Azərbaycan gənci müstəqil dövlətimizin fəal qurucusu olmalıdır
38. “Bir kərə yüksələn bayraq bir daha enməz!” (M.Ə.Rəsulzadə)
39. Mübariz İbrahimov gəncliyə örnəkdir
40. Tarixdə iz qoyan şəxsiyyətlər
41. Sevdiyim tarixi şəxsiyyət
42. Müasirlərimi necə görmək istərdim?
43. Vətənə xidmətin əhəmiyyətini nədə görürəm?
44. Şəhid abidəsi önündə
45. 20 Yanvar – xalqımızın qan yaddaşı
46. “Şəhidlər xiyabanı”nı ziyarət edərkən düşündüklərim
47. Xocalı faciəsi insanlıq əleyhinə cinayətdir
48. Qarabağla bağlı bildiklərim
49. Müəllim və şagird arasında münasibətlər necə olmalıdır?

50. Sağlam bədəndə sağlam ruh olar
51. Neftimiz sərvətimizdir
52. Gənclərin cəmiyyətdə rolunu artırmaq üçün nələri təklif edərdim?
53. "Əkinçi" ilə başlanan milli mətbuatımız
54. Gələcəyimi necə görürəm?
55. Mətbuat azadlığı nədir?
56. Tariximizin şanlı səhifəsi – Azərbaycan Xalq Cümhuriyyəti
57. Ən çox izlədiyim televiziya kanalı
58. Sevdiyim jurnalist
59. Tanınmış Azərbaycan jurnalistləri
60. Şəhid jurnalistlər
61. İzlədiyim xəbər saytları
62. Oxuduğum sonuncu əsər
63. İnformasiyanın həyatımızda rolu
64. Özümdə hansı xarakter xüsusiyyətlərini tərbiyə etmək istəyirəm?
65. Həyatımızda kitabların rolu
66. Konstitusiyamız
67. Sevdiyim idman növü
68. Namus və vicdan mövzusunda düşüncələrim
69. Valideynlə övlad arasında münasibətlər necə olmalıdır?
70. İnsan həyatında biliyin rolu
71. Müasir insan necə olmalıdır?
72. Əsl vətəndaş necə olmalıdır?
73. Mərhəmətli olmaq nə deməkdir?
74. Azad insan olmaq nə deməkdir?
75. Təbiətin həyatımızda rolu
76. Faydalı insan odur ki ...
77. Əgər prezident olsa idim ...
78. Necə bir qəzet yaratmaq istərdim?
79. Müasir televiziya kanallarında ən çox sevdiyiniz proqramlar
80. Jurnalist peşəsi və sosial məsuliyyət
81. Jurnalistikanı nəyə görə “dördüncü hakimiyyət” adlandırırlar?
82. KİV və ictimai rəy
83. Müasir jurnalistikada şərəf və ləyaqətin müdafiəsi problemi
84. Şəhərimin (kəndimin) tarixi
85. Jurnalist olsam, hansı mövzularda yazacağam?
86. Əgər gənclər üçün telekanal yaratsam ...
87. Hamının oxumalı olduğu kitab
88. “Hər bir insan bütün insanlar qarşısında hamıya və hər şeyə görə məsuliyyət daşıyır.” (F.M.Dostoyevski)
89. Yazacağım oçerkə kimi qəhrəman seçərdim?
90. Mənim ictimai mövqeyim
91. Zərərli vərdişlər
92. Tolerantlıq nə deməkdir?
93. Müasir məktəbin problemləri
94. Gənclər siyasəti və KİV
95. Müasir cəmiyyətin mənəviyyatı
96. KİV-də sağlam həyat tərzinin təbliği
97. Bəşəriyyətin əsas qlobal problemləri
98. Qocalara hörmət edək, özümüz də qocalacağıq

99. Əsl ziyalı necə olmalıdır?
100. “İnsan dünyada varlı olmaq üçün yox, xoşbəxt olmaq üçün yaşayır” (F.Stendal)
101. Müasirlərim haqqında düşüncələrim
102. Uğurlu insan olmaq nə deməkdir?
103. Jurnalistin əsas keyfiyyətləri
104. Müasir dünyada jurnalistikanın rolu
105. Jurnalistin peşə etikasını necə başa düşürəm?
106. Jurnalist peşəsi məni hansı cəhətlərinə görə cəlb edir?
107. Jurnalistika mədəniyyətə necə təsir göstərir?
108. Müasir həyatımızda internetin rolu
109. İnsanlar televiziya xəbərlərinə nəyə görə baxırlar?
110. Radio və televiziyada faydalı verilişlər
111. Jurnalistikada ən çox xoşladığım mövzular
112. Mətbuat azadlığını necə başa düşürəm?
113. Müasir jurnalist necə olmalıdır?
114. Sevdiyim qəhrəman
115. “Sağlığında qiymət verin insanlara...” (C.Novruz)
116. “Yurdum, yuvam, məskənimsən... Azərbaycan!” (S.Vurğun)
117. Sevimli ədəbi qəhrəmanım
118. Mənim üçrəngli bayrağım
119. Qarabağ Azərbaycanın ayrılmaz hissəsidir
120. Mən Vətənimin inkişafına hansı töhfəni verməyə hazıram
121. Xarici ölkədə yaşayan yaşıdıma məktubumda ölkəmiz haqqında nə yazardım?
122. Azərbaycan bütün dünya azərbaycanlılarının vətənidir
123. Azərbaycanın inkişafında neftin rolu
124. Azərbaycanın inkişafında qeyri-neft sektorunun rolu
125. Sevdiyim bayram
126. Sevdiyim bəstəkar
127. Doğma şəhərimi (kəndimi) gələcəkdə necə görmək istərdim?
128. Bakı Azərbaycanın paytaxtıdır
129. Əcnəbi turistə doğma Vətənimiz haqqında nə söyləyərdim?
130. Təbiəti qorumaq borcumuzdur
131. Azərbaycanın təbii sərvətləri
132. Ətraf mühitin qorunması sağlamlığın rəhnidir
133. Ana müqəddəs varlıqdır
134. Yaşlılara və uşaqlara qayğı göstərmək mənəvi borcumuzdur
135. Həyatın mənasını nədə görürəm?
136. İnsan nəyə görə qanunlara riayət etməlidir?
137. “Düzlük ən yaxşı siyasətdir” ifadəsi nə deməkdir?
138. İnsan əməlləri ilə tanınır
139. Uğura aparan yol zəhmətdən keçir
140. “Kitabi-Dədə Qorqud” yurdumuzun tarixi salnaməsidir
141. Cəmiyyətin inkişafında liderlərin rolu
142. Xalqımız sülh tərəfdarıdır
143. Çiçəklənən Azərbaycan
144. Dostu qazanmaq çətin, itirmək asandır
145. Xeyirxahlıq nəcib insani keyfiyyətdir
146. Əsl insan hansı keyfiyyətlərə malik olmalıdır?
147. Azərbaycanın görməli yerləri
148. Ana dilimizi sevək və qoruyaq

149. Azərbaycan sərkərdələri haqqında bildiklərim
150. İdmanın insan həyatı üçün əhəmiyyəti
151. Ölkəmizdə turizm
152. Təhsilin cəmiyyətin inkişafında rolu
153. Jurnalistikanın hansı sahəsi məni daha çox cəlb edir?
154. Xeyriyyəçilik gözəl ənənədir
155. “Vətən mənə oğul desə, nə dərdim, Mamır olub, qayasında bitərdim.” (M.Araz)
156. “Vətənçin yaşayan, vətənçin ölən, Səmimi bir insan nə bəxtiyardır!” (M.Müşfiq)
157. “Qüvvət elmdədir, başqa cür heç kəs, Heç kəsə üstünlük eyləyə bilməz.” (N.Gəncəvi)
158. “Könlümün sevgili məhbubu mənim, Vətənimdir, vətənimdir, vətənim...” (A.Səhhət)
159. “Bilikli adamlar uzağı görər, cahilin zəhməti hədərdir, hədər.” (N.Gəncəvi)
160. “Hər uca rütbədən biliniz fəqət, alimin rütbəsi ucadır əlbət.” (N.Gəncəvi)
161. Yaxşı bir film çəkmək üçün hansı amillər olmalıdır? Fikirlərinizi əsaslandırın.
162. Müasir texnologiya həyatı daha da rahatlaşdırıb, yoxsa həyat sadə texnologiyalarla daha yaxşı idi? Fikirlərinizi əsaslandırın.
163. İnternet vasitəsilə insanlar bir-birinə daha çox yaxınlaşıblar, yoxsa uzaqlaşıblar? Fikirlərinizi əsaslandırın.
164. Təhsil hər bir ölkənin inkişafında ən mühüm amildir. Bu fikirlə bağlı razı olduğunuz və razı olmadığınız məqamları yazın. Fikirlərinizi əsaslandırın.
165. “Xarici dil uşaqlara bağçadan öyrədilməyə başlanılmalıdır” fikri ilə bağlı razı olduğunuz və razı olmadığınız məqamları yazın. Fikirlərinizi əsaslandırın.
166. Uşaqların hər gün kompüter ilə məşğul olmasının onlara müsbət təsirindən daha çox mənfi təsiri ola bilər. Bu fikirlə bağlı razı olduğunuz və razı olmadığınız məqamları yazın. Fikirlərinizi əsaslandırın.
167. “Televiziya verilişlərini izləmək uşaqlar üçün faydalı deyil” fikri ilə bağlı razı olduğunuz və razı olmadığınız məqamları yazın. Fikirlərinizi əsaslandırın.
168. “Üz-üzə ünsiyyət telefon, sosial şəbəkələr (Facebook, Twitter, WhatsApp və s.), məktub, elektron məktub (e-mail) və s. kimi ünsiyyət vasitələrindən daha yaxşıdır” fikri ilə bağlı razı olduğunuz və razı olmadığınız məqamları yazın. Fikirlərinizi əsaslandırın.
169. “Müasir texnologiyalar vasitəsilə şagirdlər daha çox məlumat əldə edə bilir və daha sürətlə öyrənirlər” fikri ilə bağlı razı olduğunuz və razı olmadığınız məqamları yazın. Fikirlərinizi əsaslandırın.
170. “Televiziya, qəzet, jurnal və digər media vasitələri ictimai xadimlər və hadisələrdən daha çox sənətçilərin həyatına diqqət yetirirlər” fikri ilə bağlı razı olduğunuz və razı olmadığınız məqamları yazın. Fikirlərinizi əsaslandırın.
171. Valideynlər ən yaxşı müəllimlərdir” fikri ilə bağlı razı olduğunuz və razı olmadığınız məqamları yazın. Fikirlərinizi əsaslandırın.
172. “Kitab oxumaq kinoya baxmaqdan daha maraqlıdır” fikri ilə bağlı razı olduğunuz və razı olmadığınız məqamları yazın. Fikirlərinizi əsaslandırın.
173. Əgər siz beynəlxalq sərgiyə dövlətimizi təmsil edən bir şey göndərməli olsanız, nə seçərdiniz? Niyə? Seçiminizi izah etmək üçün konkret faktlar və dəlillər gətirin.
174. Xalqımızın hansı adətini digər xalqların da qəbul etməsini istəyərdiniz? Seçiminizi izah etmək üçün konkret faktlar və dəlillər gətirin.
175. Əgər siz yeni bir şey ixtira etsə idiniz, bu nə ilə bağlı olardı və nəyi ixtira edərdiniz? Seçiminizi izah etmək üçün konkret faktlar və dəlillər gətirin.
176. Əgər siz bir şirkətin müdiri olsa idiniz, hansı xüsusiyyətlərə malik işçiləri işə götürərdiniz? Seçiminizi izah etmək üçün konkret faktlar və dəlillər gətirin.
177. Əgər sizin tarixin müəyyən bir dövrünə qayıtmaq imkanınız olsa idi, bu hansı dövr olardı? Seçiminizi izah etmək üçün konkret faktlar və dəlillər gətirin.
178. İnsanlar fərqli metodlarla öyrənirlər: işləməklə, oxumaqla, dinləməklə və s. Öyrənmək üçün bu yollardan hansı sizin üçün ən yaxşıdır? Seçiminizi izah etmək üçün konkret faktlar və dəlillər gətirin.

179. İnsana verilən ən gözəl hədiyyə nə ola bilər? Seçiminizi izah etmək üçün konkret faktlar və dəlillər gətirin.
180. Bəzi insanlar qrup halında səyahət etməyi sevir, bəziləri isə təklikdə. Siz hansına üstünlük verirsiniz? Seçiminizi izah etmək üçün konkret faktlar və dəlillər gətirin.
181. Bəzi şagirdlər qrup halında təhsil almağı sevir, bəziləri isə fərdi. Siz hansına üstünlük verirsiniz? Seçiminizi izah etmək üçün konkret faktlar və dəlillər gətirin.
182. İnsanlar müxtəlif zamanlarda fərqli səbəblərlə musiqiyə qulaq asırlar. Bəs nəyə görə musiqi dinləmək bu qədər vacib sayılır? Fikirlərinizi dəlillərlə əsaslandırın.
183. Bəzi insanlar dost seçərkən özlərindən fərqli dost seçirlər, bəziləri isə özlərinə oxşar. Özündən fərqli və özünə oxşar dostların olmasının müsbət və mənfi cəhətlərini müqayisə edin. Bəs siz necə dosta sahib olmaq istərdiniz? Fikirlərinizi əsaslandırın.
184. Əgər sizə məktəbinizdə ciddi dəyişiklik etmək imkanı verilsə idi, bu dəyişiklər nələrdən ibarət olardı? Fikirlərinizi əsaslandırın.
185. Bəzi insanlar inanırlar ki, həyat haqqında öyrənməyin ən yaxşı yolu ailənin, yaxud da dostların məsləhətlərinə qulaq asmaqdır. Digər insanlar isə düşünürlər ki, həyatı öyrənməyin ən yaxşı yolu şəxsi təcrübədir. Həyatı öyrənməyin bu iki fərqli yolunu müqayisə edin. Siz hansına üstünlük verərdiniz? Fikirlərinizi əsaslandırın.
186. Bütün dünyada kino çox populyardır. Kinoların niyə belə populyar olduğunu izah edin və fikirlərinizi əsaslandırın.
187. Turizm ölkələr arasında qarşılıqlı anlaşma və ünsiyyətə necə kömək edir? Fikirlərinizi əsaslandırın.
188. Yaxşı övlad olmaq üçün hansı xüsusiyyətlərə malik olmaq lazımdır? Fikirlərinizi əsaslandırın.
189. “İdman orta məktəb həyatının ayrılmaz hissəsi olmalıdır” fikri ilə bağlı razı olduğunuz və razı olmadığınız məqamları yazın. Fikirlərinizi əsaslandırın.
190. Elektron və məktəb kitabxanalarının müsbət və mənfi tərəflərini müqayisə edin. Fikirlərinizi əsaslandırın.
191. İnsanlar nə üçün işləməlidirlər? Fikirlərinizi əsaslandırın.
192. Valideynlər övladlarının əvəzinə qərar verməlidirlər, yoxsa yox? Fikirlərinizi əsaslandırın.
193. Sizə görə, son 100 ilin ən vacib kəşfi hansıdır? Fikirlərinizi dəlillərlə əsaslandırın.
194. İnsanın xarakterinin formalaşmasına dostlar, yoxsa ailə daha çox təsir göstərir? Fikirlərinizi əsaslandırın.
195. Xarici, yoxsa daxili gözəlliyi üstün tutursunuz? Seçiminizi əsaslandırın.
196. “İnsanı geyiminə görə qarşılayır, ağlına görə yola salırlar” fikrini izah edin.
197. “Yaxşı dost yaman gündə tanınar” atalar sözünü necə başa düşürsünüz?
198. İşçilərin yaradıcılıq potensialı şirkətin inkişafında mühüm rol oynayır. İşçilərin yaradıcılıq qabiliyyətini artırmaq üçün şirkətlər nələr etməlidir?
199. Şəxsi avtomobillərin artması ilə yanaşı, yollarda tıxac problemləri də artır. Həm hökümət, həm də insanlar bu problemin qarşısını almaq üçün nələr edə bilərlər?
200. Bəzi inkişafda olan ölkələrdə kənd yerlərindən şəhər yerlərinə axın var. Sizcə, bu nəyə görə baş verir və bu hansı problemlərdən irəli gəlir?
201. Qabaqcıl təhsil müəssisələrindən məzun olmaq yaxşı işə girməyə zəmanət verir. Siz bu fikirlə razısınız, yoxsa yox? Cavabı əsaslandırın.
202. Müasir dövrdə bir çox ailədə valideynlərin hər ikisinin işləməsinə görə övladları ilə az vaxt keçirirlər. Bunun səbəbi nədir və bu hansı problemlərə gətirib çıxara bilər?
203. Həyatınızdakı ən cəsur an
204. Xarakterinizdə nəyi dəyişmək istərdiniz?
205. Biz uğurlu davranışlarımızdan, yoxsa etdiyimiz səhvlərdən daha çox nəticə çıxarıb öyrənirik. Seçdiyiniz fikri əsaslandırın.
206. Orta məktəbdə şagirdlərə mobil telefondan istifadə etməyə icazə verilməlidir, yoxsa yox. Seçdiyiniz fikri əsaslandırın.

207. Uşağın xarakteri valideynlərindən gördükləri davranışlar əsasında formalaşır. Siz bununla razısınızmı? Hansı amillər uşağın xarakterinə təsir edir?
208. Sağlam olmağın ən yaxşı yolu idman etməkdir. Siz bu fikirlə razısınız, yoxsa başqa təklifləriniz də var?
209. Sağlamlıq üçün piyada gəzmək olduqca faydalıdır, ancaq çox az insan piyada gəzir. Bu problemin səbəbi nədir və siz bu problemlərin aradan qalxması üçün nələri təklif edərsiniz?
210. Mediada göstərilən zorakılık halları sanki insanları da zorakılıq etməyə təşviq edir. Bu mövzuda nə düşünürsünüz?
211. Bir çox cəmiyyətdə evsiz insanlar (yaxud da kasıbçılıq) problemi var. Siz bu problemin qarşısını almaq üçün nələr təklif edərdiniz?
212. Bəzi insanlar düşünürlər ki, ali məktəblər şəhərlərin mərkəzlərindən uzaq yerlərdə – şəhərətrafı ərazilərdə olmalıdır. Siz bu fikir haqqında nə düşünürsünüz?
213. Bəzi insanlar düşünürlər ki, pul xoşbət olmaq üçün vasitə deyil. Sizcə, xoşbəxt olmaq üçün nə etmək və nələrə sahib olmaq lazımdır?
214. Xəbərlər insanların həyatında mühüm rol oynayır. Ancaq xəbərlərin bir çoxu mənfi hadisələrdən ibarətdir. Siz bunun haqqında nə düşünürsünüz?