Dünyanın ən qabaqcıl universitetlərinin yerləşdiyi, dinamik təhsil təcrübəsi ilə fərqlənən ölkələrindən biri də Almaniyadır.
Bu ölkədə ümumilikdə 300-dən artıq universitet fəaliyyət göstərir. Onların bir qismi özəl, digər bir qismi isə dövlət təhsil müəssisələridir.
Əgər bakalavr və ya magistratura təhsilinizi Almaniyada davam etdirməyi düşünürsünüzsə, aşağıdakı bilgilər sizə yararlı ola bilər.
AzEdu.az Almaniya təhsil almaq istəyənlər üçün faydalı olacaq məlumatları təqdim edir.
Universitetlərdə təhsil alman dilindədir. Amma bəzi universitetlər bakalavr və magistr pillələrində ingilis dilində də təhsil almaq mümkündür. Bu səbəblə Almaniyada təhsil almaq üçün əsas şərtlərdən biri alman və ingilis dillərini bilməkdir. Dünyada işə götürülənlər tərəfindən alman təhsilli işcilər daha çox rəğbət görürlər. Xüsusilə elm və mühəndislik sahələrində bu daha çox məhşurdur. Bakalavr, magistratura və doktorantura pillələrində Almaniyada keyfiyyətli təhsil ala bilərsiniz. Alman dilində təhsil almaq istəyən Azərbaycanlı tələbələr orada bir il hazırlıq kursu oxumalıdır.
Almaniyada attestatla və aşağı xərclər bakalavr təhsili almaq mümkündür
Attestatla Almaniya universitetlərində keyfiyyətli bakalavr təhsili ala bilərsiniz. Digər ölkələrlə müqayisədə burada aşağı xərclə bakalavr təhsili almaq mümkündür. Almaniyada bakalavr təhsilini 11-ci sinifi bitirdikdən sonra attestatla yalnız özəl universitetlərdə almaq olar. Dövlət universitetlərində bakalavr təhsili üçün burada iki il universitet təhsili almalısınız. Tibb və Hüquq ixtisası istisna olmaqla Almaniyada bakalavr təhsilinin müddəti 3 ildir.
Burada magistratura təhsili üçün dil biliyinizi təsdiq edən sertifikat tələb olunur
Magistraturaya qəbul şərtləri, semestr müddəti (2-4) ixtisas və universitetdən asılı olaraq dəyişir. Magistr təhsilinizi maliyyələşdirmək üçün DAAD təqaüdündən yararlana bilərsiniz. DAAD magistr təhsili üçün müxtəlif təqaüdlər təklif edir. Magistratura pilləsi üzrə həm alman, həm də ingilis dilində təhsil almaq mümkündür. Universitetlər seçiminizdən asılı olaraq dil biliklərinizi təsdiq edən sertifikat tələb olunur. Almaniyada magistratura üçün IELTS imtahanı lazımdır. Tibb və Hüquqdan (yalnız almanca) başqa bütün ixtisaslar üzrə ingilis dilində təhsil ala bilərsiniz.
Almaniya universitetlərindən verilən diplomlar Amerika, İngiltərə, Avstraliya, Kanada və başqa ölkələrdə tanınır.
Fidan Ali
kitabı