Niyə xaricdə təhsil almalısan?

 Xaricdə təhsil almaq tələbə üçün faydalı təcrübələrdən biri ola bilər.  Tələbələr xaricdə təhsil almaqla yeni bir ölkənin mədəniyyətini mənimsəmək imkanına sahib olurlar.

AzEdu.az xaricdə təhsil almağın 10 faydasını təqdim edir.

 1) Dünyanı görmək

 Xaricdə təhsil almaq üçün ən böyük səbəb dünyanı görmək imkanıdır.  Xaricdə təhsil alaraq inanılmaz mənzərələri, ənənələri və fəaliyyətləri olan  yeni bir ölkə kəşf edirsiniz.  Xaricdə təhsil alaraq    yeni yerləri, təbii möcüzələri, muzeyləri və görməli yerləri görə bilərsiniz. Həmçinin səyahət imkanlarınız oxuduğunuz ölkə ilə məhdudlaşmır. Qonşu ölkələri də görə bilərsiniz!  Məsələn, Fransada təhsil alsanız, Barselona və Roma kimi Avropanın müxtəlif yerlərinə səyahət etmək fürsətiniz də olacaq.

 2) Təhsil

 Xaricdə təhsil almağın üstünlüyünün bir səbəbi də fərqli təhsil tərzlərini sınamaq şansdır.  Xaricdə təhsil proqramına yazılmaqla, həm də  oxuduğunuz sahənin öz ölkənizdə görə bilmədiyiniz  tərəflərini görmək şansı əldə edirsiniz. Yalnız öz ölkənizin təhsil sisteminə tamamilə alışdığınız zaman insanları, xalqların adət-ənənələrini və mədəniyyətlərini anlamağın və yaşamağın sizdən uzaq olduğunu görəbilərsiniz. 

 3) Yeni bir mədəniyyəti mənimsəmək

 Xaricdə təhsil almağı seçən tələbələrin çoxu ölkəsini ilk dəfə tərk edən insanlardır.  Təhsil alacaqları ölkəyə gəldikdə fərqli mədəni baxışlara heyran qalırlar.  Xaricdə oxuduğunuz zaman yeni qidalar, adətlər, ənənələr və sosial atmosfer görürsünüz. O millətin insanlarını və tarixini daha yaxşı başa düşürsünüz.  Həyatın tamamilə fərqli bir tərəfini görmək fürsətiniz olar.

 4) Xarici dil bacarıqlarınızı inkişaf etdirmək

 Xaricdə təhsil almağı planlaşdırırsınızsa, əldə edəcəyiniz ən böyük fürsətlərdən biri xarici dildə təhsil almaqdır.  Xaricdə oxumaq sizə yeni bir dili öyrənməyə imkan verir. Gündəlik həyatda edəcəyiniz xarici dil təcrübəsi, ölkənizdəki universitetlər tərəfindən tövsiyə olunur və sizi daha rəsmi təhsil verən dil kurslarına yönəldir.

 5) Karyera fürsətləri

 Xaricdə təhsil proqramını başa vurub ölkənizə qayıtdıqda yeni  mədəni perspektiv, xarici dil bilikləri, mükəmməl bir təhsil və öyrənmək arzusunda olacaqsınız.   Bunlar isə gələcək işəgötürənlər üçün çox cəlbedici xüsusiyyətlərdir. Bir çox tələbə oxuduğu ölkəni sevir və orada iş tapmağa qərar verir.  Bu ölkədə iş axtararkən, həmin ölkədə təhsil almağın dəyəri əvəzsizdir.

 6) Yeni maraqların tapılması

 Xaricdə təhsil sizə vətəninizdə heç vaxt kəşf edə bilməyəcəyiniz yeni fəaliyyətlər və maraqlar təqdim edir.  Yürüyüş, su idmanı, xizək, golf və ya ölkənizdə heç sınamadığınız digər idman növlərində hələ kəşf edilməmiş istedadınız olduğunu görə bilərsiniz.  Həm də əyləncənin yeni və həyəcanverici formalarını kəşf edəcəksiniz.  Oyunlar, filmlər, rəqslər, gecə klubları və konsertlər sevə biləcəyiniz fəaliyyətlərdən bəziləridir.

 7) Ömür boyu davam edəcək dostluqlar qurmaq

 Xaricdə təhsil almağın ən böyük faydalarından biri fərqli mədəniyyətlərin insanları ilə tanış olmaq və uzun müddət davam edən dostluqlar qurmaq fürsətidir.  Xaricdə oxuyarkən, həmin ölkədəki tələbələrlə dərslərdə iştirak edəcək və onlarla birlikdə yaşayacaqsınız.  Bu həqiqətən bir-birinizi tanımaq və tələbələrlə uzunmüddətli əlaqələr qurmaq imkanı verir. Təhsil proqramı bitdikdə, fərqli millətlərdən olan dostlarınızla  əlaqəni qorumağa çalışın.  Bu dostlar gələcəkdə şəbəkənizi genişləndirmənizdə əhəmiyyətli bir rol oynaya bilər.

 8) Şəxsi İnkişaf

 Xarici ölkədə təkbaşına olmaq da önəmli cəhətdir. Xaricdə oxumaq həqiqətən müstəqil təbiətinizi ortaya qoyur.  Xaricdə təhsil alan tələbələr yeni bir milləti araşdırır və gedəcəkləri yerin marağını və həyəcanını kəşf edirlər. Xaricdə təhsil almağın başqa bir faydası da özünüzü kəşf etmə fürsətinizin olmasıdır.  Yeni bir yerdə tək qalmaq bəzən yorucu ola bilər, bu da problemləri həll edərkən fərqli vəziyyətlərə uyğunlaşma qabiliyyətinizi yoxlayır.

 9)  Doktoranturaya qəbul

 Doktoranturaya qəbul komissiyaları  xaricdə təhsil təcrübələrinə baxırlar.  Xaricdə təhsil alan tələbələr yeni mübarizəyə girməkdən və ya çətin vəziyyətə düşməkdən qorxmadıqlarını göstərirlər. Daha da əhəmiyyətlisi xaricdə oxuyan tələbələr təhsillərinə nə qədər önəm verdiklərini nümayiş etdirirlər.  Xaricdə təhsil alan tələbələr, maraqlı olduqlarını və doktoranturada lider olmaq üçün lazımi təhsil bacarıqlarına sahib olduqlarını nümayiş etdirirlər.

 10) Həyat təcrübəsi

 Tələbələrin çoxu üçün bu, xarici ölkələrə uzun müddətli getmək üçün yeganə yol ola bilər. Ən əsası bir iş və karyera sahibi olacaqsınız və xaricdə təhsil almaq üçün bu fürsət qarşınıza bir dəfə çıxa bilər. Oxumaq və yeni mədəniyyətləri öyrənməkdən başqa bir məsuliyyət tələb etməyən bu fürsətdən yararlana bilərsiniz. 

Fidan Ali