5 iyuldan etibarən 2021-2022-ci tədris ili üzrə müəllimlərin işə qəbulu müsabiqəsinin test imtahanı mərhələsinə start verildi.

AzEdu.az xəbər verir ki, iyulun 6-da informatika fənni, iyulun 7-də isə ibtidai siniflər  üzrə müəllim olmaq istəyən namizədlər özlərini sınayıblar.

Həmin imtahanda iştirak edən şəxsləri maraqlandıran əsas məqamlardan biri də bu fənn üzrə apellyasiya şikayətləri müraciətlərinə nə zamandan baxılmağa başlanılmasıdır. 

Belə ki, informatika fənni üzrə keçirilən test imtahanlarının apellyasiya müraciətləri  6 iyul saat 14:00-dan etibarən qəbul olunacaq.

Qeyd edək ki, namizədlər 48 saat (2 gün) ərzində apellyasiya müraciəti edə bilərlər. Apellyasiya müraciəti komissiya tərəfindən araşdırıldıqdan sonra müvafiq cavab namizədlərin şəxsi səhifələrinə göndəriləcək.