“Fərid müəllim bütüv ömrünü elmə, əlyazmaların tədqiqinə həsr etmiş təkcə Azərbaycanda deyil, ölkəmizin hüdudlarından kənarda da kifayət qədər tanınmış dəyərli tədqiqatçı alimlərindən biri idi”
AzEdu.az xəbər verir ki, bunu Milli Məclisin Elm və Təhsil Komitəsinin üzvü Ceyhun Məmmədov öz facebook hesabında qeyd edib.
O, Azərbaycan elminin daha bir dəyərli alimini itirdiyini bildirib:
“Tarix üzrə elmlər doktoru, professor, Azərbaycan Tibb Tarixçiləri Birliyinin prezidenti, Beynəlxalq Tibb Tarixi Cəmiyyəti (ISHM) İdarə Heyətinin üzvü, Azərbaycan Milli Elmlər Akademiyası Məhəmməd Füzuli adına Əlyazmalar İnstitutunun Əlyazmaların və əski çap kitablarının tərcüməsi və çapa hazırlanması şöbəsinin müdiri Fərid Ələkbərli dünyasını dəyişib.
Fərid müəllimin Azərbaycan elmi qarşısında xidmətləri böyükdür. O, elmin müxtəlif sahələrinə aid bir çox aktual əsərlərin tədqiqatçısıdır”.
Deputat alimin uğurlu fəaliyyətinə diqqət çəkib:
“Vatikan Apostol Kitabxanasında və Vatikan Məxfi Arxivlərində uzunmüddətli araşdırmalar aparan ilk Azərbaycanlı alim olmuşdur. 2011-2013-cü illərdə Vatikana səfərləri müddətində Vatikan Arxivlərində Azərbaycan tarixinə aid çoxsaylı sənədlər aşkar etmiş və onların surətlərini Bakıya gətirmişdir.
Fərid müəllimə Allahdan rəhmət, yaxınlarına səbr diləyirəm”.
kitabı