“Dükanda baş verən oğurluqla bağlı bizə dəstək olan hər kəsə təşəkkür edirik. Fəvvarələr meydanında yerləşən mağazamızda fevralın 15 - i, saat 21:00 radələrində oğurluq baş vermişdi və biz dərhal bu haqda 102-ə məlumat verdik.”
AzEdu.az xəbər verir ki, bunu məşhur “Ali və Nino” mağazalar şəbəkəsinin təsisçisi Nigar Köçərli öz sosial şəbəkə hesabında qeyd edib.
O bildirib ki, bu hadisə ilə bağlı ictimaiyyətə iki xəbər var: biri yaxşı, biri pis:
“Yaxşı xəbər odur ki, DİN rəhbərlik səviyyəsində məsələni nəzarətə götürdü və polislərin 2 gün çəkən operativ əməliyyatı nəticəsində oğurlar müəyyən olundu. Buna görə həm Nazirliyə, həm də bu prosesdə iştirak edən bütün polis əməkdaşlarına dərin təşəkkürümü bildirirəm.
Pis xəbər odur ki, müəyyən olunan oğrular azyaşlıdılar. Azyaşlı uşaqların oğurluğa cəlb olunması bizi mənəvi cəhətdən ağrıdan məsələdir.”
Təsisiçi qeyd edib ki, mağazanın digər ünvanda yerləşən filialının da bağlanma səbəblərindən biri bu olub:
“Bu, eyni zamanda bizi qorxudan bir məsələdir, çünki Nizami 94 ünvanında yerləşən "Əli və Nino" mağazasını bağlamaq səbəblərdən biri də elə bu olmuşdu - bir dəstə azyaşlı oğru dükanımızı 2 ay ərzində 4 dəfə soymuş, hətta polisə müraciətlərimiz də onların qarşısını ala bilməmişdi.
Onu da deyək ki, oğurlanan əşyalar və işçilərin pulları bizə hələ də geri qaytarılmayıb.”
Son olaraq təsisçi Nigar Köçərli bir daha hamıya öz dərin təşəkkürünü bildirib.
kitabı