Fevralın 14-də Dövlət İmtahan Mərkəzi (DİM) tərəfindən xarici dillər üzrə doktoranturaya qəbul və xarici dillər üzrə fəlsəfə doktoru imtahanları keçirilib.

İmtahanlar Bakı və Naxçıvan şəhərlərində keçirilib və saat 11:00-da başlayıb. İmtahan prosesinin idarə olunması üçün DİM-də operativ qərargah fəaliyyət göstərib, müntəzəm olaraq imtahanın keçirildiyi binalarla əlaqə saxlanılıb və imtahan prosesinin gedişi nəzarətdə olub.

İmtahanın nəticəsi nə zaman bəlli olacaq?

DİM sektor müdiri Xanlar Xanlarzadənin AzEdu.az-a verdiyi məlumatda bildirilib ki, xarici dil üzrə Fəlsəfə doktoru imtahanında IV blok yazı blokudur. Namizədlər bu hissədə esse yazmalıdırlar. Bu səbəbdən cavabların yoxlanılması bir qədər vaxt aparır. 1 həftə ərzində nəticələrin elan olunması gözlənilir.