44 günlük Vətən müharibəsi Azərbaycan ordusunun tam qələbəsi ilə yekunlaşdı.
Müharibə müddətində cəbhə bölgəsindən çəkilən bir çox fotolar xalq arasında böyük qürur və sevinclə qarşılanaraq məşhurlaşdı. Hətta bu fotoların dərsliklərin üz qabığına salınması ilə bağlı mövzu gündəmə gəldi.
Bəs görəsən jurnalistlərimiz dərsliklərin üz qabığına hansı fotonun salınmasını istəyərdilər?
AzEdu.az bu mövzuda jurnalistlərin düşüncələrini təqdim edir:
Modern.az saytının baş redaktoru, jurnalist Əfqan Qafarlı:
“Milli Qəhrəman Mübariz İbrahimovun düşmən qüvvəsini məhv etdiyi posta Azərbaycan Bayrağı sancılıb. Həmin anı özündə əks etdirən fotonun dərsliklərdə üz qabığı olmasını istəyərdim.”
Minval.info saytının baş redaktoru, cəbhə jurnalisti Məhəmməd Türkmən:
“Düşünürəm ki, ümumilikdə bütün qəhrəmalarımızın fotosu dərsliklərdə yer almalıdır. Ancaq mən əsasən, Dövlətzadə Cəbrayıl və topçu Vüsal Şahkərəmovun fotolarının üz qabığında yer almasını istəyərdim.”
APA informasiya agentliyinin müxbiri Günay Elşadqızı:
“Allah bütün şəhidlərimizə rəhmət etsin, yaralılarımıza şəfa versin. Müharibədə iştirak edən bütün əsgərlərimiz, hərbçilərimiz qəhrəmandır. Fikrimcə, elə Vüsalın şəkli düşmən üçün göz dağı olan fotolardan biridir, ona görə elə o olsa yaxşıdır.”
Mediapress.az saytının redaktoru Könül Aypara:
“Bütün əsgərlərimiz hamısı əsl qəhrəmandırlar! Hamısının fotosunu istəyərdim. Aralarında seçim etmək mümkün deyil. Ancaq düşünürəm ki, topçu əgərin fotosu əsl simvoldur.”
“Azərbaycan müəllimi” qəzetinin əməkdaşı Ruhiyyə Daşsalahlı:
“Əslində bir millət olaraq insana kimliyini xatırladan, görəndə qürur hissi verən çox sayda foto var. Ancaq ilk ağlıma gələn topçu Vüsal Şahkərimovun fotosudur.”
Qeyd edək ki, Təhsil Nazirliyi tərəfindən "Azərbaycan xalqının tarixi qələbəsinin tədrisdə əks etdirilməsi haqqında" Fəaliyyət Planı təsdiq edilib.
kitabı