Azedu.az
https://modern.az/ https://www.instagram.com/apak.az/
2020-11-04 13:48:00
“SABAH” tələbələri üçün xüsusi təqaüd imkanı yaradıldı    

 

“SABAH” məzunlarından ibarət “Təbəssüm” komandası Bakı Dövlət Universiteti (BDU), Azərbaycan Dövlət Neft və Sənaye Universitetinin (ADNSU) xüsusi ehtiyacı olan istedadlı “SABAH” tələbələrinə təqaüd qazanmaq imkanı yaradıb.

 

Təhsil Nazirliyindən AzEdu.az-a verilən məlumata görə, tələbələrin seçimi 2 mərhələ (onlayn müraciət və onlayn müsahibə) üzrə aparılıb. BDU-nun tələbələri Xatirə Baloğlanova, Leyla Mirzəyeva, Simarə Məmmədova və ADNSU-nun tələbəsi Musa Cahangirzadə təqaüd qazanmaq imkanı əldə ediblər.

 

Bundan əlavə, “SABAH” məzunları cəbhə bölgəsində yaşayan, ADNSU-nun "Proseslərin avtomatlaşdırılması mühəndisliyi" ixtisası üzrə təhsil alan “SABAH” tələbəsi Elbrus Ağayevin ixtisası üzrə əlavə təhsil xərclərinin ödənilməsini də öz üzərlərinə götürüblər.