Rusiya dünyada ilk koronavirus peyvəndini qeydə alıb. “Qam-COVID-Vac” adlı dərman klinik sınaqların birinci və ikinci mərhələlərini keçib.

AzEdu.az xəbər verir ki, tibb elmləri doktoru, virusoloq, Milli Elmi Epidemiologiya və N.F. Qamaleya adına Mikrobiologiya Mərkəzinin professoru Anatoli Altşteyn peyvəndin effektivliyindən söz açıb.

“Peyvəndimizin dünya səviyyəsində tanınması üçün sınaqları tamamlamalıyıq. Artıq həyata keçirilən birinci və ikinci mərhələlərə əlavə olaraq üçüncü mərhələni də əhatə edir. Bu müddət ərzində minlərlə insan peyvəndlənməli və izlənilməlidir. Normal mühitdə yaşamaları, infeksiyaya yoluxma ehtimalına məruz qalmaları vacibdir. Sonra yalnız real şəraitdə peyvəndin təhlükəsizliyi və effektivliyi məsələsi müəyyənləşəcək.

Hələ klinik sınaqların üçüncü mərhələsini keçirməmişik. Gələn ilin 1 yanvarına qədər heç kim onu geniş və nəzarətsiz halda tətbiq etməz. Peyvəndi bəzi xüsusi kontingentlərə, məsələn, həkimlərə, səlahiyyətlilər tərəfindən belə bir qərar olduqda istifadə etmək mümkündür”, - virusoloq açıqlamasında qeyd edib.