Bildiyimiz kimi, COVİD19 pandemiyası ilə əlaqədar olaraq, bu il mart ayından etibarən liseyin dərsləri onlayn şəkildə keçirilmiş, şagirdlər öz doğma məktəblərindən, müəllimlərindən uzaq qalmışlar.
AzEdu.az xəbər verir ki, tədris ilinin yekunlaşması münasibəti ilə lisey kollektivi- rəhbərlik və sinif rəhbərlərindən ibarət komandalar şəklində Bakı şəhərinin dörd bir yanında yaşayan şagirdlərinə onlar üçün hazırladıqları hədiyyələri çatdırmışlar. Yay tətilinin səmərəli keçilməsini təmin etmək məqsədi ilə hər sinfin yaş və anlaq səviyyəsinə uyğun seçilmiş kitablar, jurnal, direktorun şagirdlərə ünvanlanmış məktubu və digər ləvazimatlar vasitəsi ilə lisey kollektivi doğma şagirdlərinə sevgi və özləmlərini ifadə ediblər.
Həmçinin, lisey kollektivi öz şagirdlərinə müraciət edərək bildirib:
“Əziz Hədəf liseyi şagirdləri, hər biriniz bizim üçün dəyərlisiniz! Sizə xoş istirahətlər və xoş mütaliələr arzu edirik! Bu çətin günlərin tez bitməsini və Sizi yenidən məktəbdə görməyi ümid edirik!”
Onu da qeyd edək ki, Hədəf STEAM liseyi hədiyyələrin çatdırılma və hazırlanma prosesində təşkilati dəstəyə görə iki ildir əməkdaşlıq etdiyi “Hey servis” kollektivinə, “Hədəf Nəşrlərinə”, “SINkod.az” və “Kitabevim.az” mağazalar şəbəkəsinə dərin minnətdarlığını bildirib.
kitabı