Azedu.az
https://modern.az/ https://www.instagram.com/apak.az/
2020-06-12 17:11:00
Azərbaycan və Türkiyənin peşə təhsili sahəsində əməkdaşlığı müzakirə olunub

Təhsil Nazirliyi yanında Peşə Təhsili üzrə Dövlət Agentliyi ilə Türkiyənin Milli Təhsil Nazirliyinin birgə əməkdaşlığı çərçivəsində görüş təşkil edilib.

 

Agentlikdən AzEdu.az-a verilən məlumata görə, görüşə həmçinin Azərbaycanın Təhsil Nazirliyi, Türkiyə Xarici İşlər Nazirliyi, Texniki və Peşə Təhsili İdarəsi, bir sıra peşə təhsili müəssisələrinin nümayəndələri video-konfrans formatında təşkil edilən görüşə qatılıb.

 

Görüş zamanı peşə təhsili sahəsində iki ölkə arasında hazırkı əməkdaşlıq vəziyyəti, qarşılıqlı yüksək səviyyəli səfərlərin əməkdaşlığa töhfəsi, ötən ilin oktyabr ayında Türkiyə Milli Təhsil nazirinin ölkəmizə səfəri zamanı ölkə rəhbərliyi tərəfindən qəbul edilməsi məsələlərinə toxunulub.

 

Görüşün əsas mövzusu iki ölkənin təhsil nazirlikləri arasında peşə təhsili sahəsində əməkdaşlığa dair anlaşma memorandumunun imzalanmasından ibarət olub. Tərəflər peşə təhsilinin inkişafı ilə bağlı birgə layihələrin reallaşdırılması imkanlarını vurğulayıb və birgə layihələrin reallaşdırılması perspektivlərini müzakirə ediblər.