AzEdu.az xəbər verir ki, şagird və valideynləri düşündürən sualllardan biri tele-dərslərin yay aylarındakı buraxılışları ilə bağlıdır. Təhsil Nazirliyinin İctimaiyyətlə Əlaqələr Sektorunun müdiri Cəsarət Valehov rəsmi açıqlamasında teledərslərin davam edəcəyini bildirdi. Açıqlamanı olduğu kimi çatdırırıq:

“Teledərslər iyunun 12-də başa çatacaqmı? Yox.
Biz 16 iyundan 17 iyuladək yeni formatda yenə də efirdəyik.

Əziz abituriyentlər,
"Dərs vaxtı" sizin təhsilinizi davam etdirmək arzunuzu alqışlayır və bu işdə sizə kömək etməyə hazır olduğunu bildirir. Ümumiləşdirmələr, təhlillər, açıq və qapalı sualların "şifrələri", kompleks məsələlərin həll üsulları, mətnlə iş,
informasiyanı düzgün emal etmək bacarığı və s. - bütün bunlar sizin imtahana daha yaxşı hazırlaşmağınıza imkan verəcək.
"Abituriyentlər üçün dərs vaxtı"nı izləyin”.