Rusiyada iyunun 29-da vahid dövlət imtahanı verilməsi başlayacaq.

AzEdu.az “RİA Novosti”yə istinadən xəbər verir ki, bunu Rusiya prezidenti Vladimir Putin bildirib.

Rusiya prezidenti əlavə edib ki, bu tarix məzunlar və cari il ali məktəblərə daxil olmaq istəyənlər üçün məcburidir. Onun sözlərinə görə, məktəblər onlayn tədrislə onlara yardım edəcəklər.

Vladimir Putin vurğulayıb ki, iyunda  dövlət imtahanını verməyə gələ bilməyənlər üçün bu imkan cari ilin avqustunda yaradılacaq.