Uşaq olanda yatmazdan əvvəl dinlədiyiniz nağılları xatırlayırsınızmı? O nağıllar xəyal dünyamızı necə də işıqlandırırdı. Elə bil reallıqdan qopub, başqa bir dünyaya gedirdik.

Bu günlərdə yaşadıqlarımız da qorxulu bir nağıl kimidir. Bütün dünya qeyri-standart vəziyyətdədir. Lakin səbrimiz, şübhəsiz ki, pandemiya üzərində qələbə ilə mükafatlandırılacaq. 

Bu gün bir çoxları digər insanlar üçün nəsə etmək istəyir - dəstəkləmək, həvəsləndirmək, şadlanmaq. “Umico” layihə komandası və tərəfdaşları - “Libraff” kitab mağazaları şəbəkəsi birgə layihə hazırlayıblar. Karantin dövründə hər bir ananın görəcəyi çox iş var: bişirmək, qidalandırmaq, təmizləmək və çoxlarına hələ də uzaqdan işləmək lazımdır.

Diqqətinizi eyni zamanda uşaqlara və bütün vacib məsələlərə cəmləmək çox çətindir, buna görə, analar və atalar köməyə ehtiyac duyurlar. Yetkinlər işlə məşğul olduqda körpələrin diqqətini nə cəlb edə bilər? Düzdür, yaxşı bir nağıl.

2 aprel dünyanın ən məşhur və sevimli yazıçılarından biri - Hans Xristian Andersenin doğum günüdür, 1967-ci ildən bəri eyni gündə Beynəlxalq Uşaq Kitab Günü bütün dünyada qeyd olunur. Belə bir tədbirin şərəfinə “Umico” və “Libraff” işçiləri Andersenin nağıllarını Azərbaycan və rus dillərində oxumaq üçün bir araya gəliblər. Sehrli hekayələri bizə xeyirxahlığı və yaxınlarımızı sevməyi öyrədir.

Siz məşğul olanda bir müddət uşaqlarınızın əyləncəli vaxt keçirməsini istəsəniz, linkə daxil olun və onlar üçün bir nağıl açın.