AzEdu.az xəbər verir ki, Çanaqqala Onsəkkiz Mart Üniversitetində çalışan professor Dr. Reyhan Körpə 2012-ci ildən bu günə Eceabat rayonunda arxeoloji araşdırmalar aparıb.

 

Sözügedən professor daha əvvəl bölgədə 4 fərqli qədim yaşayış məntəqəsi və kurqanların olduğunu müəyyənləşdirib. Son olaraq 2017-ci ildə bölgədə çalışarkən bu dəfə də Roma İmparatorluğunun Gelibolu yarımadasındakı əyalət paytaxtı olan Coela antik şəhərinin yerini müəyyən edib. 

 

Kilye körfəzi yaxınlığında yerləşən 1 kilometr genişliyindəki şəhərin yerini müəyyən edən arxeoloq tamamilə torpaq altında olan qədim şəhərə aid memarlıq qalıqları, keramika və mozaika parçaları ilə bərabər çox sayda qədim pul tapıb. 

 

Bölgədə ikinci bir kəşfə imza atan arxeoloq çalışmalarına davam edərkən bir dəfinə çuxuru görüb və böyük bir çaşqınlıq yaşayıb. Bu zaman arxeoloqun səsini eşitdikdən sonra çuxura enən pilləkənlərdən bir adam çıxıb. Körpə ondan burada nə axtardığını soruşduğu zaman sözügedən şəxs su axtardığını söyləyib.  Aldığı cavabdan məmnun olmayan arxeoloq polisə xəbər verib.

 

Hadisə yerinə gələn polis əməkdaşları adamın ifadəsini almaq üçün məntəqəyə aparıb və istintaq zamanı həmin şəxsin antik qalıqlar tapdığı məlum olub.