Azedu.az
https://modern.az/ https://www.instagram.com/apak.az/
2020-03-03 09:20:00
Buraxılış imtahanları da təxirə salındı- DİM-dən QƏRAR

Dövlət İmtahan Mərkəzi martın 9-u keçirilməsi nəzərdə tutulan 9-cu sinif buraxılış imtahanlarını təxirə salıb.

AzEdu.az  xəbər verir ki, martın 9-u  Gəncə, Lənkəran, Şəki, Sumqayıt şəhərlərində, Abşeron, Ağdam, Ağstafa, Ağsu, Bərdə, Biləsuvar, Göygöl, İmişli, Kürdəmir, Lerik, Oğuz, Qazax, Qəbələ, Saatlı, Sabirabad, Samux, Şabran, Şamaxı, Tərtər, Tovuz, Xaçmaz, Yevlax, Zərdab rayonlarında yerləşən orta ümumtəhsil müəssisələrinin 9-cu sinif şagirdləri üçün buraxılış imtahanının birinci mərhələsinin keçirilməsi nəzərdə tutulub.

Koronavirus (COVİD - 19) infeksiyasının Azərbaycan ərazisində yarada biləcəyi təhlükənin qarşısının alınması məqsədilə həyata keçirilən təxirəsalınmaz tədbirlərə uyğun olaraq yoluxma hallarının qarşısının alınması, bu sahədə aparılan müvafiq profilaktik tədbirlərin effektivliyinin yüksəldilməsi məqsədilə qeyd olunan tarixdə keçirilməsi planlaşdırılan imtahan təxirə salınıb.

 Qeyd  edək ki, bu istiqamət üzrə imtahanın vaxtı imtahanın keçiriləcəyi tarixdən  1 həftə öncə elan olunacaq.