Mingəçevir Dövlət Universitetinin riyaziyyat kafedrasının dosenti Məlahət İsmayılovanın “Dörd tərtibli xüsusi törəməli operator-diferensial tənliklərin həll olunmasının tədqiqi” adlı monoqrafiyası Almaniyada işıq üzü görüb.
Monoqrafiya abstrakt hilbert fəzasında dörd tərtibli xüsusi törəməli operator-diferensial tənliklərin həll olunma nəzəriyyəsinə həsr olunub. Bu nəzəriyyənin metodları riyaziyyatın və mexanikanın müxtəlif sahələrindən olan çoxlu sayda məsələlərə eyni nöqteyi-nəzərdən yanaşmağa və həll etməyə imkan verir.
73 ədəbiyyatdan istifadə edilən, iki fəsil və 130 səhifədən ibarət olan monoqrafiya riyaziyyat ixtisası üzrə təhsil alan magistrlər, elmi-tədqiqat institutlarının mütəxəssisləri, doktorantlar və riyaziyyat sahəsində çalışan alimlər üçün nəzərdə tutulub.
