Türkiyənin Hacettepe Universitetinin ölkəmizə səfərə gəlmiş nümayəndə heyəti Azərbaycan Dövlət İqtisad Universitetində (UNEC) olub.

AzEdu.az xəbər verir ki, Hacettepe Universitetinin rektoru, professor Haluk Özenin rəhbərlik etdiyi nümayəndə heyəti ilə görüşdə UNEC-in rektoru, professor Ədalət Muradov iki universitet arasındakı əməkdaşlığın yüksək səviyyədə olduğunu bildirib.

Görüşdə bu ali məktəblərdə təhsilin keyfiyyətinin artırılması yolları və dünya təhsil sisteminə inteqrasiya imkanları müzakirə edilib.

H.Özen UNEC-lə əməkdaşlığa xüsusi önəm verdiyini, bu əlaqələrin gələcəkdə daha da genişləndirilməsində maraqlı olduqlarını bildirib.