Azərbaycan Dövlət Neft və Sənaye Universitetində (ADNSU) sentyabrın 11-12-də Bakıda keçiriləcək “Gələcəyin energetikası: problemlər və perspektivlər” mövzusunda beynəlxalq konfransın təşkilat komitəsinin ikinci iclası olub.

ADNSU-dan AzEdu.az-a bildiriblər ki, iclasda bu ali məktəbin rektoru, professor Mustafa Babanlı konfransın əhəmiyyətindən danışıb, görülən işlər barədə məlumat verib.

Sonra beynəlxalq tədbirin gündəliyindəki məsələlər müzakirə edilib.

Konfransda müzakirə olunacaq mövzularla bağlı fikirlərini söyləyən Milli Məclisin deputatı Məlahət İbrahimqızı xarici ölkələrdən olan nüfuzlu mütəxəssislərin də qatılacaqları tədbirin elmə, təhsilə töhfə verəcəyinə əminliyini bildirib.

Sonra proqram layihəsi ilə əlaqədar təkliflər dinlənilib.