Qəbələ Dövlət Peşə Təhsil Mərkəzində Qəbələ Qeyri-Hökumət Təşkilatının (QHT) Resurs Təlim Mərkəzinin dəstəyi ilə e-vətəndaş proqramının təqdimatı keçirilib.

Peşə Təhsil Mərkəzindən AzEdu.az-a bildirilib ki, tədbirin təşkilində əsas məqsəd tələbələrin elektron sistemlərdən düzgün istifadəsi və cəmiyyətdə baş verən yeniliklərə qoşulmasının əhəmiyyətini vurğulamaq olub.

Mərkəzin direktoru Azad Məmmədov çıxışında e-vətəndaş proqramının mühüm yenilik olduğunu bildirib və tələbələri QHT layihələrinin qiymətləndirilməsi prosesində fəal olmağa çağırıb.

Tədbir iştirakçılarna Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının yeni brendi olan SƏLİS - Sürətli Əlaqələndirmə və Layihələrin İdarəetmə Sisteminin fəaliyyəti barədə geniş məlumat verilib. Toplantıda e-vətəndaş xidmətindən istifadə qaydalarından bəhs edən təlimat xarakterli videoçarx nümayiş etdirilib.