Hindistanın Cochin Science and Technology Universiteti (Cochin University of Science and Technology) beynəlxalq tələbə qəbulunu genişləndirməyi planlaşdırır. Universitet bu məqsədlə yeni proqramlar və xarici tərəfdaşlıq layihələri elan edib.
AzEdu.az xarici mediaya istinadən xəbər verir ki, ali təhsil müəssisəsi xarici tələbələrin sayını artıraraq onların qəbulunu ümumi tələbə kontingentinin 25 faizinə çatdırmağı hədəfləyir. Universitet rəhbərliyi bildirir ki, bu addım təhsilin beynəlxalqlaşmasını gücləndirməyə, akademik mühitdə müxtəlifliyi artırmağa və qlobal əməkdaşlığı inkişaf etdirməyə xidmət edəcək.
