Azərbaycan Milli Elmlər Akademiyasının (AMEA) aprelin 27-də keçirilməsi nəzərdə tutulan Ümumi yığıncağının proqramı məlum olub.
AzEdu.az-a açıqlamasında AMEA-nı Rəyasət Heyətinin mətbuat katibi Azadə Balayeva keçiriləcək yığıncağın gündəliyində duran əsas məsələlərləri diqqətə çatdırıb:
“Yığıncağı giriş nitqi ilə AMEA-nın prezidenti vəzifəsini icra edən akademik Arif Həşimov açıq elan edəcək. AMEA-nın elmi bölmələrin hesabatları dinləniləcək. 8 bölmənin 2021-ci ildəki elmi və elmi-təşkilati fəaliyyətləri haqqında hesabatlarına baxılacaq. Həmçinin, müxtəlif mükafatlandırmaların keçirilməsi nəzərdə tutulur. Bundan başqa, tədbirdə “Elm günü” münasibətilə AMEA-nın fəxri fərmanlarının təqdimatı olacaq.
Akademiyanın vitse-prezidenti, akademik İsa Həbibbəyli AMEA-nın Nizamnaməsi haqqında məlumatla çıxış edəcək.
Gündəlikdə Akademiyanın yeni prezidentinin seçilməsi məsələsi yer almayıb”.
