Azedu.az
https://modern.az/ https://www.instagram.com/apak.az/
2018-11-08 16:20:50
BMU-da Bayrağı Günü keçirildi - FOTO

9 noyabr Azərbaycan Respublikasının Dövlət Bayrağı Günü” münasibətilə Bakı Mühəndislik Universitetində  bayram tədbiri keçirilib.

AzEdu.az xəbər verir ki, tədbirə universitetin rəhbər şəxsləri, professor-müəllim heyəti, bütün struktur-bölmə rəhbərləri və tələbələr iştirak edib.

Azərbaycan Respublikasının Dövlət Himni səsləndirildikdən sonra Dövlət Bayrağımıza həsr olunmuş videoçarx nümayiş olunub.

Universitetin rektoru, professor Havar Məmmədov tədbir iştirakçılarını bayram münasibətilə təbrik edib. Rektor qeyd edib ki, Azərbaycan Respublikasının dövlət bayrağı 1918-ci il noyabrın 9-da Azərbaycan Xalq Cümhuriyyəti Hökumətinin iclasında qəbul edilib. Həmin bayraq 1990-cı il noyabrın 17-də Naxçıvan Muxtar Respublikası Ali Məclisinin sədri, mərhum prezident Heydər Əliyevin təşəbbüsü və rəhbərliyi ilə keçirilən sessiyada Naxçıvan Muxtar Respublikasının dövlət bayrağı olaraq təsdiq edilib.

1991-ci il fevralın 5-də Azərbaycan Respublikasının Ali Soveti “Azərbaycan Respublikasının Dövlət bayrağı haqqında” Qanun qəbul edərək onu dövlət bayrağı elan edib.

Prezident İlham Əliyevin 17 noyabr 2009-cu il tarixdə imzaladığı müvafiq sərəncama əsasən noyabrın 9-u bütün dünya azərbaycanlıları üçün müqəddəs bir təqvimə çevrilib.  Bu gün ümumxalq bayramı kimi qeyd olunması dövlətçilik, milli həmrəylik, vətənpərvərlik hislərinin şüurlara çatdırılması atributlarımızın təbliği baxımından olduqca əhəmiyyətlidir. Ölkə rəhbərliyi tərəfindən aparılan uğurlu siyəsət nəticəsində müstəqil respublikamızda demokratik və hüquqi dövlət quruculuğu sahəsində böyük nailiyyətlər qazanılıb, dövlətçiliyimiz möhkəmlənib.

Tədbir bayram abu-havasında tələbələrin ifasında bir-birindən maraqlı səhnəciklər, musiqi və rəqslərlə davam edib.