“Ekspo 2025 Bakı” Əməliyyat katibliyi Təhsil Nazirliyi və Gənclər Fondunun təşkilati dəstəyi ilə qəbul imtahanlarında yüksək bal toplayan tələbələrlə görüş keçirib.
AzEdu.az-ın məlumatına görə, qonaqları Gənclər Fondunun icraçı direktoru Fərid Cəfərov salamlayaraq Fondun gənclər üçün yaratdığı geniş imkanlar barədə məlumat verib, yüksək bal toplayan gəncləri Fondla sıx əməkdaşlıq etməyə dəvət edib. F.Cəfərov bildirib ki, Gənclər Fondunun 11-ci qrant müsabiqəsi çərçivəsində beynəlxalq layihələr üçün açıq olan B kateqoriyasının prioritet istiqamətlərindən biri məhz Bakının “Ekspo 2025” Ümumdünya Sərgisinə ev sahibliyinə namizəd şəhər olması ilə bağlı gənclər arasında təbliğat tədbirlərinin keçirilməsi mövzusu olub.
Tədbir zamanı Təhsil Nazirliyinin ictimaiyyətlə əlaqələr sektorunun şöbəsinin müdiri Cəsarət Valehov çıxış edərək, daha yaxşı gələcək üçün insan kapitalının inkişafına savadlı, təhsilli gənclərin birbaşa təsir göstərəcəyini diqqətə çatdırıb.
kitabı