Amerika Milli Aviasiya və Kosmik Agentliyində (NASA) işləyən ilk afroamerikalı qadın riyaziyyatçısı Katherine Johnson 101 yaşında vəfat edib.

 AzEdu.az   xəbər verir ki, Johnson-un ölümü ilə əlaqədar kədərli xəbər, NASA-nın Tvitter hesabında paylaşılıb. Açıqlamada Johnson "irqçilik və sosial maneələri aşan mükəmməllik mirasına hörmət edən" biri kimi qeyd edilib.

 İcraçı direktor Jim Bridenstine, Johnson-un NASA-nın qapılarını açan ilk qadın və qara olduğunu vurğulayaraq sıx kosmik araşdırmalara rəhbərlik etdiyini vurğulayıb.

 Johnson-un NASA-dakı işi, 2016-cı ildə Oskara namizəd olan "Gizli Fiqurlar" filminin də mövzusu idi.

 2015-ci ildə Johnson, ABŞ-ın o zamankı prezidenti Barak Obama tərəfindən xüsusi “Prezident azadlığı” medalı ilə təltif edilib.