Özbəkistanın Termez şəhərində yaradılan Təhsil Mərkəzində Əfqanıstan üçün savadlı kadrlar hazırlanır.

AzEdu.az  xəbər verir ki, mərkəzdə əfqan tələbələr üçün 18 ali, 19 orta ixtisas proqramı üzrə modullaşdırılmış tədris planları hazırlanıb. Gənclərin seçdikləri ixtisaslara dərindən yiyələnmələri üçün onlara Özbəkistanın nüfuzlu ali məktəblərinin professorları və müəllimləri dərs deyir. Mərkəz “Elektron təhsil” sisteminə qoşulub.

Bu il müxtəlif ixtisaslar üzrə 96 gənc Daşkənddəki Əlişir Nəvai adına Özbək Dili və Ədəbiyyatı Universitetinin diplomlarını alaraq Əfqanıstana qayıdıb.

Onlar Əfqanıstanın müxtəlif regionlarında çalışırlar. Tələbələrin beşi isə Termez Dövlət Universitetində magistr təhsili alır.

2020-ci ildə daha 147 əfqan gənc oxumaq üçün Mərkəzə müraciət edib.(AZƏRTAC)