Azərbaycan Milli Elmlər Akademiyasının N.Tusi adına Şamaxı Astrofizika Rəsədxanasında “Müxtəlif sinif kometlərə Günəş aktivliyinin təsiri haqqında” mövzusunda astroseminar keçirilib.

Rəsədxanadan AzEdu.az-a bildirilib  ki, astroseminarda Bakı Mühəndislik Universitetinin əməkdaşı Həzi Qasımovun mövzu üzrə məruzəsi dinlənilib.

Tədbirdə müəlliflərin son zamanlar günəş-komet əlaqələri üzrə əldə etdiyi yeni qanunauyğunluqlar müzakirə olunub. Qeyd edilib ki, alınan nəticələr yeni kometlərin axtarışında faydalı ola bilər.

Sonra suallar cavablandırılıb.