XƏBƏRLƏR

17.11.2019 09:23
Qlobal elektromobil istehsalı 5 milyon ədədi keçib

Qlobal elektromobil istehsalı 5 milyon ədədi keçib, 2018-ci ildə isə iki milyon bu cür nəqliyyat vasitəsi satılıb.

AzEdu.az xəbər verir ki, bu məlumatı Beynəlxalq Energetika Agentliyi (IEA) yayıb.

IEA-nın 2019-cu il Dünya Enerji İcmalında göstərilir ki, ikitəkərli elektromobillərin və eklektik mühərriki ilə işləyən kiçik avtobusların əsas istehsalçısı Çindir. Qeyd olunub ki, 2025-ci ilədək bu nəqliyyat vasitələrinin satışı 10 milyona, 2040-cı ildə isə 30 milyona çata bilər. Sənəddə göstərilir ki, ekoloji cəhətdən təmiz elektromobillərin istehsalının artırılmasında əsas amillər subsidiyaların artırılması və onların mühərrikinin şarj edilməsi üçün çoxlu sayda məntəqələrin açılmasıdır. İctimai sektor və özəl şirkətlər, habelə logistika firmaları bu prosesdə daha fəal iştirak etməlidirlər.

IAE əsas amillərdən birini də elektromobillərin mühərrikinin şarj edilməsinin ucuz olması hesab edir. Proqnozlara görə, batareyaların qiyməti də 2020-ci ildə hər kilovat-saata görə 100 dolara düşəcək. Xatırladaq ki, beş il əvvəl bu qiymət 650 dollar idi.

İlin gənc müəllimi-Müraciət formu