Azərbaycan Milli Elmlər Akademiyasının (AMEA) Mərkəzi Elmi Kitabxanasının (MEK) “Elmi əsərlər” jurnalı 2019-cu ildə növbəti ikinci nömrəsi üçün məqalə qəbulunu davam etdirir.
MEK-dən AzEdu.az-a verilən məlumata görə, jurnalın ikinci nömrəsi üçün məqalə qəbulu noyabrın 30-a qədər davam edəcək.
Jurnalda dərc olunacaq məqalələrin mövzu əhatəsinə dair tələblər:
- Kitabxana-informasiya elmi;
- Kitabxana-informasiya elminin tətbiqi sahələri (rəqəmsal yaddaş, rəqəmsallaşdırma siyasəti, milli yaddaş, sərbəst ensiklopedik resurslar, “Vikipediya”, müəllif hüququ, intellektual mülkiyyət, informasiya siyasəti, informasiya təhlükəsizliyi, süni intellekt və s.);
-Tarix, ədəbiyyat, incəsənət, türkologiya, digər humanitar və dəqiq elmlər sahələrində çalışan alimlər tərəfindən kitabxana-informasiya elmi ünvanına yeni çağırışlar səsləndirən məqalələr.
Jurnalın hər nömrəsində elmi məqalələrlə yanaşı aşağıda qeyd olunan rubrikalara da yazılar qəbul edilir:
-Kitabxana-informasiya sahəsində tarixi hadisələri əks etdirən qısa məlumatlar və qeydlər;
-Kitabxana-informasiya sahəsində beynəlxalq standartlar;
-Digər ixtisaslar üçün kitabxana xəbərləri;
-Sahə üzrə yeni kitablar;
-Yerli və beynəlxalq tədbirlər təqvimi.
“Elmi əsərlər” jurnalı 2013-cü ildə Azərbaycan Respublikası Ədliyyə Nazirliyi tərəfindən “Mətbu nəşrlərin reyestri”nə daxil edilib. Ətraflı məlumatla AMEA-nın saytından tanış olmaq mümkündür.
kitabı