XƏBƏRLƏR

04.11.2019 18:06
Rəsədxana: Günəş fəallığı çox aşağı səviyyədə olub  

Azərbaycan Milli Elmlər Akademiyasının N.Tusi adına Şamaxı Astrofizika Rəsədxanası kosmik hava durumunu açıqlayıb.

Rəsədxanadan AzEdu.az-a verilən məlumata görə, kosmik  hava  durumu – Günəş  fəallığı  çox  aşağı  səviyyədə  olub.  Günəş  diski  ləkəsizdir.  Koronoqraf  görüntülərində  Yerə doğru  yönələn tac kütlə atılması müşahidə olunmayıb. Hesabat dövründə ACE kosmik gəmisindən alınan məlumatlar Günəş küləyi parametrlərinin nominal rejimə uyğun olduğunu göstərir. Günəş küləyinin sürəti 305-350 km/san intervalında olub. Geomaqnit sahə son 24 saat ərzində ümumən sakitdir (Kp=2, 3). 

Noyabrın 4-6-da Günəş fəallığı çox aşağı səviyyədə qalacaq. Günəş küləyi parametrlərinin sakit rejimə uyğun qalacağı proqnozlaşdırılır.
Proqnoz dövründə geomaqnit sahədə ümumən sakitlik (Kp=2, 3) müşahidə olunacaq. Maqnit qasırğasının yaranması ehtimalı proqnoz dövründə 5%-dən aşağı qiymətləndirilir.

İlin gənc müəllimi-Müraciət formu