XƏBƏRLƏR

14.09.2019 16:00
Son illərdə təhsilə ayrılan milyonlar – Gələcək üçün yatırım - RƏQƏMLƏR

 

Son illər aparılan sosial-iqtisadi siyasət ölkədə inkişafı təmin edib, əhalinin maddi rifahıyaxşılaşdırıb, yoxsulluğun səviyyəsi minimuma endirib Azərbaycan orta gəlirli ölkələr sırasında yer tutub. Gerçəkləşdirilən islahatlar təhsil sahəsinə də müsbət təsir göstərib

Ölkəmizdə təhsilə ayrılan məbləğin miqdarı isə artırılıb.

AzEdu.az xəbər verir ki, bu barədə Təhsil Nazirliyinin 2018-ci il hesabatında bildirilib. Hesabata əsasən, ümumilikdə 4.780-dən çox təhsil müəssisəinin  saxlanılması, o cümlədən, əməkhaqqı, təqaüd, kommunal,  digər xərcləri qarşılanıb. Həmin müəssisələrdə ilk növbədə işçilərin əməkhaqqı və digər sosial ödənişlərinin vaxtında  ödənilməsi nəzarətdə saxlanıb.

AzEdu.az son üç il ərzində dövlət büdcəsindən təhsilə ayrılan maliyyə barədə məlumatı təqdim edir:

2016-cı il: 1754,5 milyon manat;

2017-cı il: 1742,7milyon manat;

2018-ci il: 2168,4milyon manat.

Qeyd edək ki, 2018-ci ildə  təhsilə ayrılan vəsaitin 58,4% ümumi təhsilə, 27,7% təhsil sahəsində fəaliyyət göstərən müəssisə və tədbirlərə, 8,1% məktəbəqədər təhsilə xərclənib. Orta-ixtisas təhsilinə 2%, ali təhsilə 2%, peşə təhsilinə 1,6 %, əlavə təhsilə isə 3,9% məvacib ayrılıb.

Ayşə Müseyib

İlin gənc müəllimi-Müraciət formu