PISA beynəlxalq tədqiqatının yekun nəticələri 2019-cu ilin dekabr ayında açıqlanacaq.

AzEdu.az xəbər verir ki, 2017-ci ilin aprel-may aylarında PISA tədqiqatının pilot mərhələsi keçirilib.

Məlumata əsasən,2018-ci ilin aprel-may aylarında keçirilən PISA 2018 tədqiqatının əsas mərhələsində Azərbaycanı 6.872 şagird təmsil edib. Tədqiqatın nəticələri PISA Beynəlxalq Konsorsiumu  tərəfindən qiymətləndirilir və yekun nəticələrin 2019-cu ilin dekabr ayında açıqlanması gözlənilir.

Qeyd edək ki, İqtisadi Əməkdaşlıq və İnkişaf Təşkilatının PISA Beynəlxalq Şagird Qiymətləndirməsi Proqramı (Programme for İnternational Student Assessment) 2000-ci ildən etibarən hər 3 ildən bir təşkil olunur. Bu proqram 15 yaşlı şagirdlərin oxu, riyaziyyat və elm sahələri üzrə məktəbdə qazandığı biliklərdən həyatda, məişətdə qarşılaşdıqları problemləri həll etmək üçün istifadə etmək bacarığını yoxlayır.