Amerikalı elm adamları 3 fərqli Günəşin göründüyü planet kəşf edib.

AzEdu.az Azərbaycan Milli Elmlər Akademiyasının (AMEA) saytına istinadən xəbər verir ki, ABŞ-ın Aeronavtika və Kosmik Tədqiqatlar Milli Agentliyinin (NASA) TESS peyki vasitəsilə müşahidə olunan və "LTT 144Ab" adı verilən planet Yerdən 22,5 işıq ili uzaqlıqdadır.

ABŞ-ın Harvard-Smithsonian Astrofizika Mərkəzinin astronomu Cennifer Vintersin fikrincə, planet "LTT 1445" üçlü ulduz sisteminin ən parlağı olan "LTT 1445A"nın orbitində yer alıb.

Ulduza çox yaxın olan "LTT 1445Ab" Günəşinin ətrafında fırlanma periodunu 5,3 gündə tamamlayır. Buna görə də səthində istiliyin temperaturu 160 dərəcəyə çatır. Yer kürəsindən 1,5 dəfə böyük olan "LTT 144Ab"nin atmosferində metan və karbon-dioksid kimi qazlar olduğu bildirilib.