“Dünən Azərbayacan Milli Elmlər Akademiyasının (AMEA)  Nəsimi adına Dilçilik İnstitutunda Orfoqrafiya Komissiyasının İşçi qrupunun iclası keçirilib. İşçi qrupu “Azərbaycan dilinin Orfoqrafiya Qaydaları” layihəsinin yekun variantını Orfoqrafiya Komissiyasına təqdim edib”.

AzEDu.az  Modern.az-a açıqlamasında AMEA-nın vitse-prezidenti, İşçi qrupunun sədri, akademik İsa Həbibbəyli deyib.
AMEA-nın vitse-prezidenti bildirib ki, Orfoqrafiya Komissiyasına layihə üzrə təqdim edilən müddəalar yalnız Nazirlər Kabineti təsdiq etdikdən  və Orfoqrafiya lüğəti çap olunduqdan sonra qüvvəyə minir.

“Orfoqrafiya Komissiyasında sözlərin yazılışına dair qəbul olunacaq yekun variantlar yalnız bundan sonrakı dövrdəki ədəbiyyata, mətbuata aid olacaq. Bu vaxta qədər yazılmış klassiklərimizin əsərlərinin və  mətbuatın dilinin bura aidiyyatı yoxdur. Həmçinin, dəyişikliklər Azərbaycan dilinin öz qaydalarına əsaslanıb və bu il ali məktəblərin qəbul imtahanlarına şamil edilməyəcək”.

İsa Həbibbəyli qeyd edib ki, Orfoqrafiya Komissiyası layihə baxıldıqdan sonra may ayının ortalarında Nazirlər Kabinetinə təqdim edəcək.