XƏBƏRLƏR

11.07.2019 10:59
10 mindən çox kollec məzunu universitetlərə imtahansız qəbul olmaq üçün müraciət edib

Ali təhsil müəssisələrinə imtahansız qəbul olmaq istəyən subbakalavrların qeydiyyatı davam edir.

Dövlət İmtahan Mərkəzindən AzEdu.az-a verilən məlumata görə, ərizələrin qəbulu iyulun 17-dək internet vasitəsilə aparılır.

Subbakalavrlar Dövlət İmtahan Mərkəzinin internet saytının ekabinet.dim.gov.az səhifəsində “Şəxsi kabinet” yaratdıqdan sonra şəxsi kabinetinin istifadəçi adı və parolundan istifadə etməklə DİM-in internet səhifəsinə daxil olub, “Subbakalavrın elektron ərizəsi” formasını təsdiq edirlər.

Hazırda olan məlumata əsasən 10176 subbakalavr elektron ərizəsini təsdiq edib. Ərizələrin sayına əsasən daha çox mühasibat uçotu (931 nəfər), maliyyə işi (564 nəfər), ibtidai sinif müəllimliyi (528 nəfər), yol hərəkətinin təşkili (399 nəfər)  ixtisaslarını bitirən subbakalavrlar qeydiyyatdan keçib.

Müsabiqədə iştirak ödənişsizdir.

İlin gənc müəllimi-Müraciət formu