XƏBƏRLƏR

05.07.2019 11:19
DİM TOEFL və “PTE Academic” ingilis dili imtahanları keçirəcək

Dövlət İmtahan Mərkəzində növbəti TOEFL IBT və “PTE Academic” ingilis dili imtahanları keçiriləcək.

DİM-dən AzEdu.az-a verilən məlumata görə, imtahanlar iyulun 6-da Dövlət İmtahan Mərkəzinin Yasamal rayonu, Mikayıl Müşfiq küçəsi, 1M ünvanında yerləşən inzibati binasında təşkil olunacaq.

TOEFL IBT imtahanı saat 09:30-da başlayacaq. İmtahanda iştirak edən şəxslər  saat 08:30-dan gec olmayaraq imtahan binasında olmalıdırlar. TOEFL imtahanında iştirak etmək üçün 15 və daha aşağı yaş qrupuna aid olan uşaqlar imtahan binasına valideynləri ilə birlikdə gəlməlidirlər.

“PTE Academic” ingilis dili imtahanı isə saat 10:00-da başlayacaq. İmtahanda iştirak edən şəxslər  saat 09:30-dan gec olmayaraq imtahan binasında olmalıdırlar.

İlin gənc müəllimi-Müraciət formu